(( مقتطفات من شعراء عتيبة بـِ أقلامكم ))

السلام عليكم ورحمة الله وبركاته


في هذا الموضوع ..
نأمل من الجميع المشاركة .. بما يعرفون ( شعرا ) عن شعراء قبيلة عتيبه ..
سواء كانت ابيات او قصيدة او مجموعة قصائد لكل شاعر تعرفة ..
وايضا ً .. سواء للشعراء في الحاضر او الماضي ..
شاعر معروف او غير معروف ..
سيكون هذا الموضوع اذا وجد المادة الأدبية المطلوبة .. بمثابة موسوعة شعرية لشعراء قبيلة عتيبة ..


ونلفت الإنتباة ..
ان مدة هذا االموضوع اسبوعان من الآن ..
وسنبدأ مع قبيلة أخرى .. إمتددا ً لجميع القبائل ..

للمشاركة من خارج المنتدى .. راسلونا على هذا الإيميل
mergab1@hotmail.com


بإنتظاركم ..
ولكم تقديري .. اخوكم ابو نايف

"فهد بن خالد بن طنيف"
الشفيعي العصيمي العتيبي (1943-2006) رحمه الله

شاعر مجيد .. قصائده مكتضه بالحكم والمعاني الساميه نورد 3 منها:



1
دنياك لو تعطي مواثيق وعهود
خداعة ما تنومن بانقلابه

ان اقبلت بالعون هبت لك النود
وسقاك من نو الثريا سحابه

وان ادبرت قدامك الدرب مسدود
عفت الحياه ورزقها واكتسابه

من اقبلت دنياه تكسيه ماهود
ومن ادبرت دنياه لا واعذابه

كم واحد دايم هقاويه بالجود
وعن الملامه مقفيات ركابه

بيته كما عد من البدو ما رود
ريف الضعيف اللي قليل زهابه

يثني لها وان جرها كل مقرود
ويمشي على درب الخطر ما يهابه

عانى من الدنيا تعاسات وصدود
وجداه عضات النواجذ بنابه






2
شد ابومطلق وخلاني خلاوي
كن ما حولي من الناس انزلية

كثرة الاحزاب بعده والنحاوي
كثرت الاحزاب والنية ردية

من تخير عندنا بالربع غاوي
بالنظر ولا المذاهب جعفرية

شيخة الرديان من كبر البلاوي
ضيعوا تاريخهم بالجاهلية

راكب اللي ساسها بنت اللحاوي
منوة اللي بدل النية وبنية

ما حلى مرواحها والليل ضاوي
ما حلى مرواحها مع جرهدية

روحت تبغى المعشى بالصداوي
عند ابومطلق يعشيكم طليه

عند من يضحك حجاجه للفداوي
مدهل الضيفان شوق العسوجية

من ربوعن محرقين للقهاوي
يذبحون الحيل وقت المعسرية

بلفه بالعلم من راسك شفاوي
معك امانه لاتهاون بالوصية

قل قصيرك عقبكم كنه جلاوي
عقبكم وجه عن العالم نحيه

قاعد وانا على الروحة شفاوي
شفي المرباع يم الجندلية

ماحلى لقط الزبيدي بالمطاوي
لختلط نوار عشبه مع نصيه

واصبح الصقار يبدي بالنزاوي
هد والسراح مالحق الرعية

في عثامير بها الصيد متخاوي
واجتمع صقارها وبواردية

ديرة ما ربعوا فيها الشواوي
مدهل للي يعفون المطية




3
يامل عين حاربت لذة النوم
كن الدوا في حجر عيني كواها

والقلب يطري له هواجيس وهموم
والعين كثر اوجالها صب ماها

وليا شكيت الحال ماني بمليوم
عليك ياشوق الهنوف وذراها

يابو عمر يالقرم يا ذابح الكوم
ياكاسب الطولات يا منتهاها

لاحظت بالدنيا غيارات وثلوم
وازريت لاعرف وجهها من قفاها

دنيا كفانا الله شرها دايم الدوم
ماتنعرف ضحكاتها من بكاها

الله خلق بالناس معكى ومحروم
ناس حجب عنها وناس عطاها

ولاكل ما تتعب له النفس مقسوم
ولا كل رجال يعرف امعناها

ولاكل من يركب على الخيل شغموم
ولاكل من هام الطويلة رقاها

والحر خلا مركبه واركب البوم
حكم من الدنيا وهذا جزاها

كم واحد ف يما مضى ينطح القوم
تفرح به اللي قاصرات خطاها

اليوم مثل اللي عن الدرب منجوم
تلعب به الدنيا على ماطراها

ويضحك به اللي قالب راسه الزوم
اللي له الدنيا تكشف غطاها

اللي ليا جات المواجيب معدوم
وليا نخوه لحاجة ما قضاها


الخ ..

الفارس العملاق والشاعر الشهير / تركي بن حميـد ..

هو الشيخ تركي بن صنهات بن حميد شيخ قبيلة (( عتيبة )) القبيلة العربية ويعد تركي من أبرز شيوخ هذه القبيلة في الزمان السابق وأكثرهم شهرة . . . شهم شجاع ذو خصال حميدة توج مواقفه وأفعاله بمسحه من جمال لأروع القصائد التي تناقلها الرواة عنه فطربن لها البوادي ورددها الناس . . . تميز شعره بصدق القول الصادر عن فعل حقيقي فقد كان يؤمن بما يقول ولا يقول إلاَّ ما قد حصل فعلاً وكأنه يسجل للأجيال المواقف التي مرّ بها . . . له قصائد كثيرة تناقلتها ألسن الرواة وحفظت في بعض الكتب ويلاحظ الباحث بأشعار تركي بن حميد أن لكل قصيدة ينظمها مناسبة أو حكاية . . . مثال ذلك قصيدته التي نظمها حين مرّ على قبيلته وقت من الأوقات كثرت عليهم العداوات حتى أن القبيلة تحاربت مع جميع القبائل المحادّه لها بالمنازل وهنا يبرز دوره كأمير لهذه القبيلة يحاول تخفيف وطأة العزلة التي فرضت على أبناء القبيلة ويثير حميتهم وحماسهم على الاعتماد على الله ثم الصبر ويقول الأمير تركي :


يـا سابقـي صكـوا عليـك القبايـل

الحضـر والبـدوان راحـوا نحيـه

قومٍ من العارض إلى سـوق حايـل

لا قـرب جـد ولا بهـم مرحميـه

يـا قـومنـا لا تكثـرون العذايـل

أشـوف لـي شـقٍ توسـع رفيـه

العمـر بيـد الله منشـي المخـايـل

حقٍ على الراعـي صـلاح الرعيـه

نرد الخطـر والعمـر لا بـدّ زايـل

عقب الخطر نشـرب ركايـا عذيـه

إن كان ما نرخي ركـاب الأصايـل

وإلاّ منـازلنـا غـدت جـاهليــه


أما أشهر قصائد ه على الإطلاق فهي قصيدته التي لا تزال تردد لما حوته من المعاني الزاهرة وأسلوب المعالجة المميز والتي يقول في مطلعها



لعبك طرب ولاّ في لعبـي هواجيـس

ما سهـرك بالليـل كثـر الهمومـي

أسهر اليا نامـت عيـون الهداريـس

بالليل أراعـي ساهـرات النجومـي

قالوا جهلت وقلت جهـلٍ بلا قيـس

الجاهل اللـي ما يعـرف اليمومـي

أشـوف عـدلات الليالـي مقابيـس

ولحدن من الدنيا عضامـه سلومـي



ويستمر شاعرنا في قصيدته إلى أن يصل إلى الأبيات الخالدة التي راحت مثلاً بين الناس حين يقول :



ومن لا يدوس الراي من قبل ما ديـس

عليـه داسـوه الرجـال القـرومـي

ومن لا يقدم شذرة السيـف والكيـس

يـازي عليـه مـن الليالـي ثلومـي

والقصر ما يصلح على غير تأسيـس

ومـن لا تعلـم مـا تفيـد العلومـي




عاش الشيخ والفارس تركي بن حميد -رحمه الله - في النصف الثاني من القرن الثالث عشر الهجري وتوفي في أواخره .
وبرز من خلال الأحداث الدامية التي شهدتها جزيرة العرب ، خاصة منطقة عالية نجد وما حولها.


ويعد الأمير والشاعر تركي بن حميد من الرجال البارزين في تاريخ جزيرة العرب قائد فذ وزعيم قاد قبيلته إلى بر الأمان في أصعب الظروف وبالرغم من ذلك فلم يورد الرواة التواريخ الهامة في حياته .

نبذه مختصره ..

و الله انعم و أكرم بعتيبه كلها و شعارها على وجه الخصوص
و انا اجزم ان عتيبه قدمت شعراء كبااااار عمالقه لن تستطيع الساحه تقديم امثالهم الا بصعوبه


خذ عندك :

1- خلف بن هذال العتيبي
2- عبدالمعين بن ثعلي العتيبي
3- عبدالله بن عون العتيبي
4- غازي بن دخيل الله بن عون العتيبي
5- و غيرهم واااااااااااجد واجد

هذا غير المحاوره عد و اغلط

بسم الله الرحمن الرحيم

أولاً الله يبيض وجه راعي الفكره / عزالله إنها تنحسب لحسابه

هذا البيت الشهير لشاعر المليون / محمد بن فطيس المري وأستأذنه في اقتباسه هنا

وأنا اقول بيض الله وجه ابونايف ( شامخ الشامخ) على هذه الفكره الرائعه

وماأنا بصدده اليوم هو شاعر يعتبر من عمالقة شعراء عصره ولاكنه لم يخدمه الإعلام كما خدم غيره بإستثناء برنامج ديوانية شعراء النبط واللتي كانت تذاع من إذاعة دولة الكويت حيث ان الشاعر كان يقيم في دولة الكويت وكلن احد ضباط جيشه البواسل أنذآك هل عرفتموه إنه والد شاعر ومنشد مشهور على مستوى الساحه الشعبيه في وقتنا الحاضر الذي كثيراً ماامتعنا وامتع الجمهور الكريم بشيلاته انه والد الشاعر الشاب / مهنا العتيبي إنه الشاعر المرحوم إن شاء الله / صالح بن جهز بن رشاش الدلبحي العتيبي رحمه الله ورحم والديني واموات المسلمين إنني منذ الصغر كنت احفظ له جزء من قصيةٍ له مشهوره سوف أورد لكم بعضها وهي كالتالي:

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وين أنت ياللي كل درب ٍ تدله = أعطيك الأوبل لاتسافر على جيب
من وارد الغانم جديد ٍ مظله = جبته خصوصي باذله للمناجيب
مظبطٍ نهضٍ كامل الوصف كله= حتى المهندس مالقابه عذاريب
ولم عليه وطلعة الشمس تله= تله قطوع وجانب القار تجنيب
والظهر مع وقفت عصيم ظله= وانته موقف عند باب المعازيب
ملفاك ابوساير تجيه بمحله = يفرح لياجيته زبون المواجيب
تلقى هلا وابريق شاهي ودله = وكبشً مربينه كبار المشاعيب
عطه الكتاب اللي معك مرسل له= واقره عليه ورتب العلم ترتيب
وامرح ولاانت بمرح ٍ في ممله = عند الرجال اهل الواجيب والطيب
والصبح سير في قرى الجمش كله= ود الخطوط وهات رد المكاتيب
[/POEM]

والقصيده اطول من ذلك ولاكن هاذا مااحفظه منها ( وابوساير هو والده رحمه الله حيث له من الاخوه أثنان وهما ساير _ ومصلح ) هذا وارجوا انني قد وفقت في نقل العلومه بالطريقه الصحيحه فرحم الله شاعرنا صالح بن جهز الدلبحي وتقبلوا شكري وتقديري

اخوكم / فارس بن عبدالمحسن الدلبحي
( أبن مسلم)

شاعرنا هو:
مطلق حميد احمد الثبيتي من مواليد الطائف 1359 توفي رحمه الله عام 1416
تعليمه:حاصل على الماجستير من بريطانيا في التجديد والتقليد بالشعر العربي الحجازي المعاصر
المناصب :عضو هيئة تدريس بالجامعه-سكرتير مجلة الداره-ملحق تعليمي بالسودان -رئيس قسم
التطوير والبرمجه بوزارة التعليم العالي
دواوينه: (جراح الامس-أندلسيات : بالشعر العربي)-قصائد ومحاورات شعبيه
شعره كثير ومحاوراته يرويها سكان المملكه والخليج مجدد لشعر المحاوره وله مدرسه خاصه انتقل
بالمحاوره الى مجاراة الفنون الاخرى حتى اصبح لها قاعده جماهيريه عريضه
من شعره :

[POEM="font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماكل نايف يلبس البشت نايف=نايف ولد عبدالعزيز المجرب
خاض الجزيره وامنت كل خايف=حث القدم فيها و شرق وغرب
وخلا جميع اهل المشاكل ولايف=والكل منهم من رفيقه تقرب
اللي نفاهم ماعليهم حسايف=واللي تقرب مثل سيف مذرب[/POEM]


وسلامتكم

الغالي داهم العصيمي ..

وحرف مع الشاعر فهد بن خالد بن طنيف ..
لاهنت على تزويدنا بما كتبت هنا ..
ولك تقديري .. اخوك ابو نايف

السلام عليكم ورحمة الله وبركاته

وصلتني هذه الرسالة البريدية من اخونا مآجـد المقــآطي .. واللتي كتب بها ..



الأخ الفـآضل شآمخ آلشآمخ

بناء َ على مآوجدت في منتدى المرقــآب وبالتحديد في موضوع مقتطفآت من شعراء عتيبـه

حبيت أضيف بعض القصائـد التي تعتبر من ترآث قبيلتـي العزيزه \


--------

..::.. آلشـآعرٍ \ [MOVE="up"]مخلـد بن شديّد القثـآمي[/MOVE] ..::..


مخلد بن شايد القثامي شاعر يعد من ابرز الشعراء في عصره لما يتمتع به من قوة في المفردة الشعرية وبخاصة المفردة العاطفية، ملأت شهرته الافاق وتناقل الرواة شعره المتعدد الاغراض ولد عام 1280ه بعشيرة العقيق التي تبعد عن محافظة الطائف شمالا بنحو 60 كم عاش متنقلا بين الحجاز ونجد حتى وفاته عام 1340ه.
مخلد القثامي شاعر اصبح في ذاكرة النسيان رغم ما تركه من قصائد شعرية ذات قوة في المعنى والتراكيب حتى ان بعض قصائده وبخاصة قصائد الحكم والنصح بلغت المائة بيت، اشتهر مخلد القثامي من خلال قصائده الغزلية التي كان يجيد فيها التلاعب بالالفاظ الشعرية بالاضافة الى دقة الوصف وادخال اسماء بعض الجبال والاماكن في شعره.
ومن خلال ما استطعنا ان نجمعه من قصائد نضعها امام القارئ الكريم وهذا اجتهاد منا وانصاف لحق هذا الشاعر الذي اغفله الكتاب.
ولا نطيل على القارئ الكريم فهذه نماذج من ابياته الشعرية

\
\

النموذج الاول: نصيحة

قدم مخلد القثامي اروع الحكم والنصائح لابنه الاكبر «غازي» حيث تناول في هذه القصيدة زهور الايام لشاب في مقتبل العمر «الكرم الدين الصمت الظفر».



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اوصيك يا غازي ترى الروح فاني=الايام تلعب بك ولا يندرى بها
تغانم شبابك قبل يلعب الجهل=تغانم زهرها قبل يابس ركيبها
زهرها الكرم والدين والصمت والظفر=وخيار الاريا لا تجنب حليبها
اوصيك بالخطار في هاشل العشا=اليا نصوك احذر تقصر في وجيبها
بادر لهم بالطيب والكيف والذرى=وقرب معاميل على الله نصيبها
وترى طراة الروح عجل من الفتى=نسفت شغايا راسها مع عصيبها [/POEM]

\
\
\


النموذج الثاني


قصيدة مخلد القثامي:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا الله من نوٍّ مزونه تهشم=برقه على الطارق سرى له تخافيق
يسقي قرارة نجد لين نتليّم=ويسر به لاما القلوب المحاريق
جلست انا وياه في الليل الاظلم=وجلست لين الصبح جا له تراويق [/POEM]


الى ان قال:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابو قرونٍ يا صلن المحزم=يشرب بها الضميان من ماء بريريق [/POEM]


\
\
\

النموذج الثالث

قصيدة نسبت لغيره، لأن طول العهد على وفاة مخلد القثامي جعل الرواة يخلطون القصائد بعضها ببعض وما حدث لهذه القصيدة ربما يكون امرا طبيعيا ان تنسب لغيره ولكن بعد تقصي الحقائق الشعرية من المقربين لمخلد القثامي وجدنا ان هذه القصيدة له.
القصيدة:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا عظمي اللي طاح في الخنفريه=ووحيت له في قاعة البير مضراب
خمخمت عظمي وانفلت من يديه=قالوا بعيد وحال من دونه الداب
ناديت يا الظفران وابطوا عليه=العِد طويله والحدادير هياب
يازين شريه في ظهر عدوليه=والا ليا وايقت في راس مرقاب
والا ليا كوعت جنب الوديه=النجر له لعلاع والنار صلاب [/POEM]

\
\
\


النموذج الرابع: الغزل:





وهذا النموذج هو الذي اشتهر به الشاعر مخلد القثامي وقد لا تخلو قصيدة الا وبها جزء من الغزل حيث يعتبر من الشعراء الذين يتنفسون بالشعر في لوعة وحرقة والسبب يرجع الى ان له غزليات لا يقدر ان يكتمها لان قلبه يحتضن هذه الغزليات ولسانه يسبق قلبه في النطق بها فهو غزلي من الطراز الأول رقيق جدا ولهذا حفظ الرواة الكثير من قصائده وها هو يقول:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياليت خلي يوم قفا تعذر=ما اقفى على السفهان كنه مصيفي
من يمكم يا الطيبين اتعذر=تدرون راع الحب قلبه رهيفي
وليه عشيرٍ جرني بالهوى جر=ويجرني جرت مزون الخريفي [/POEM]


وهو القائل:


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقول مخلد عند باب الحرم ون=بالمدعى يا عارفين المكاني
أقدامنا واقدام خلي تناحن=في مطرحٍ عنه الطريق يحداني [/POEM]


وحين انتقلت محبوبته الى تهامة اخذ يصف البعد الذي حل بينهما مدعماً ذلك باشهر الجبال:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا صاحبي يردن من دونه الحيل=حوّل ورا مكه لرجعٍ تهامي
دون جبال هذيل ويلٍ على ويل=والهِيل من دونه وشلمات زامي
دونه زمت ركبه بعيدٍ جهاجيل=ويسيل لسقاهن صدوق الغمامي
حوفوا على عوص النقا يا رياجيل=وعيبٍ على عينٍ تذوق المنامي [/POEM]


وفي قصيدة اخرى يقول:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياسم حالي سم غرسٍ بعد زم=بعد شراب الجم غادٍ جناوي
قضّوا حصا بيره وصكوا حظيره=وماتت معاويده وخلي خلاوي
مير تكفون يا اهل الكوم وضلا الاكموم=ولها بسوفه والقرانه حراوي
اما لقيتوا علم والا انحروا ظلم=ابدوا لها في راس رجم سماوي
لازمٍ تمرونه ولازمٍ تجونه=ولازمٍ معارفكم تمضي الشكاوي [/POEM]


وهذا مطلع قصيدة ربما لاول مرة تكون تنشر:



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحاج شد وسال دمعي على الخد=ودنوا طويلات الخطا للظهيري [/POEM]

خاتمة

اقول ان شعر مخلد القثامي يعتبر من الشعر القديم الاصيل الذي يحمل في طياته العديد من التساؤلات للمهتمين بالشعر الشعبي لذا اقول اين الشاعر مخلد القثامي من خارطة حاضرنا اليوم وهو الشاعر الذي اشتهر قصيده في نجد والحجاز وتناقله الرواه من مكان الى اخر؟ أما آن حفظ هذا الشعر الاصيل في ديوان يخص الشاعر نفسه؟ ألا يستحق ذلك وهو يعتبر احد ابرز شعراء عصره وربما كان الاول.

-------------

دمت شآمخآ يآشآمخ .. أخوك \ مآجـد المقــآطي

احد شعراء الثبتة من عتيبة يقول :

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هيض علي الخيال اللي على الحدان منشاه = وسيوله الدم الاحمر من شداد الحزم سارا
سدوا علينا الحليق اللي نبا الماسوق ياطاه = قالوا عن الدرب حيلوا وارجحوا عنا يسارا
ومجنا عليهم كما موج البحر اليا اصطفق ماه = كسر عزيز المراكب واعدم اموال التجارا
هذا قضى فالنهار اللي لك الله ماحضرناه = فيه اقتضينا الديون وفيه جار الحمل جارا
ماذم الاد ...... الهم مواقيف مضراه = لكن جاهم خيال فاوله مشهاب نارا[/POEM]


ويقول اخر من الثبتة :



[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هاضني يوم سيرنا وناد المنادي = فوق راية عقيدٍ ماترخى زنوده
ثم جونا رجال .... مثل الجرادي = مثل سرح الجراد اللي يقوده عموده
والتقى من وقير ليا الحليق الطرادي = ثم شبت وقوده ثم شبت وقوده
عزوتي كثروا للذيب والطير زادي = جاء على الحول وهيه في محله تروده
عزوتي يارجال ثبيت يااهل الجهادي = والثبيتي مضرى بالسعد من جدوده[/POEM]

الشاعر لفاي القثامي يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سريت اتبع هجوسي واتسلى والعباد رقود = حرام النوم هاك الليل مالجلج على اعياني
افكر في علوم صادره والاخرات ورود = وافكر في علوم جابها همرق وشيباني
نهار ان ..... جاء مصبحها علينا يقود = مصبحنا بست امية على بارق ........
وانا عزوتي ستين رامي من عيال العود = ورديناه لين اكهف مع المهياف قنعاني
عسى علم حصل هاك العشية مايزيد يعود = غدا بكبارهم وكبارنا والكل حسفاني
نهار انه من المبرك ليا الوادي سناه يقود = ولا ليتك حضرت افعالنا ياخوط ريحاني
عشيرة دونها الاد القثامي عسكر البارود = حموها يوم ظلا الملح له فيّه ورباني
وانا ربعي كما نو ليا منه زهم برعود = تجي صرم الصواقع فاوله واتلاه ديماني
صلاة الصبح شدينا نبا المنزل على عبود = نبا نشرب عشيره قوس لا تشتب نيراني
وقال العذر لله ولك لولا ذلة ابن سعود = لتنصاك المغيرة حين حين منك دنداني[/POEM]

الشاعر قويد بن سميّر السليفي المقاطي يقول :

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قلته وانا بين الحويمض والوعير = في قنة عديت في مزبونها
وابرح من الراضه ليا شق الهصير = وابرح ديار خاليات سكونها
بادي بنص اخشاب شاغلها البصير = اللي ليا ثارت تبين طعونها
وليا انجرز بارودها شغل البصير = مثل الصواقع في خيال مزونها
نهار جاء منصور بالمال الكثير = ويقول ذيك البير ماترودنها
مايبلع النعمه بعد حمى المضير = والضحك مع عذراء تكد قرونها
ونة عذاراهم بعد قفا الصدير = ونة حمام البيت جوف ركونها
شغل الكريزي يوم جر ابها الجرير = كم عزوة تبكي على مضنونها
ياذيب طاح الك اللحم واشرب غدير = جنب الخرابة في مسيل دونها
ياشاري ام اصبع ياليتك تستخير = وتعلم الجهال لا يشرونها[/POEM]

الشاعر ابن سجوان الرويس يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يادحيم بلدان الخلايق مريفه = واللي مع الاجناب كنه على نار
يمنى بلا يسرى تراها ضعيفه= ورجل بلا ربع على الغبن صبار
والطير بالجنحان مااحلا رفيفه = واليا انكسر حدا الجناحين ماطار[/POEM]



ويقول ايضا :



[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامنيف ابا اذكر لك اليا جيت منحاس =عليك باثنين بعالي المسيله
الاسم واحد والمراجل على ساس = والكل منهم خير ينعني له
فنجالهم يصعد الى هامة الراس =والوفل بالمشراق مثل النثيلة[/POEM]

الشاعر عبدالله بن عابد العصيمي يقول :

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامل قلب لاعه اليتم لاعه = كما يلوع العشب صلف المعاصير
على ربوع كل ابوهم بساعه = وصبرت عنهم يوم جات المقادير
والكل منهم سام روحه وباعه = واحمدك ياربي حسين التدابير
وابكي على مزيد زبون الوداعه = وابكوا معي ياهل العياد المقاصير
زبن الحصان اليا تردى ذراعه = اليا دبرن ذلي وذلي مناحير
وغيث لنا وان جت ليال المجاعه = وتنادى الخطار مثل الحدادير
وغاد لشيخان القبايل مراعه =ترعى به القطعان حل المخاضير
وان جاء نهار فيه حت السراعه = تظهر فعوله عند تال المظاهير
وزود على هذا براي الجماعه = ومنارة يحمس عليها بتقدير[/POEM]

الشاعر عبيد بن زريع الدعجاني يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دورت لك يافاطري من يباريك =وكلا يقول مع الجماعه نروحي
يازين مع خطو المسيلة تمدريك = تمدري اللي عن حليله طموحي
تمدري اللي بالضحى عند اهاليك= وثوبه على السقيان غادا شلوحي
حلفت انا يافاطر الهرف لارذيك = ارذيك لو انك عليه لحوحي
واصير لك كودا كما فعل راعيك= ماهو كلاما ياذلولي مزوحي
والله لتوحين الموده باذانيك = اليا قام يندب كل شقحا طفوحي
والله لركزلك عباتي واخليك = واضوي ولو صكت على النبوحي
والله لا اجيب السرق لين ياتيك = والعقل وانتي ياذلولي سموحي[/POEM]

الشاعر مشعان البراق يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياسابقي ليتك بقلبي تويقين = ابيك تبدين الخفيات ليه
امك حديت الحصن عنها زمانين = يوم انتحوا ببوك وابعد عليه
قصدي اليا جونا هل الركب ملفين = ان قيل نجع ويجذبون بغزيه
لاقين فرقان هقوهم دياحين = بين المخيط وبين فيضة هدية
لارددوا جيش ملي المعاطين = وتليموا جذعان روق عليه
فرسان روق اللي تبذ المناحين = نعطي بها ذار الديار الخليه
ابي عليك اكسب الربع الادنين = وابحذي اللي يرتجون الحذيه
وابي عليك افتك ربعا متلين = الى حل باتلى الخيل راع الثنيه[/POEM]

الشاعر حبيليص بن عديس الشيباني يقول :

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ماذم مخلد له معاميل وبهار = لا شك يبدع له كلام صعيبي
ان كان يامخلد تنوي بمعبار = سج الركاب ونصهن الحريبي
الدرب عانه من حصا كشب ويسار = ماطر عسلج والهضاب العسيبي
لازم اليا وايقت بالحزم سبار =تشوفهم ببيوت والا عزيبي
الميد يامخلد ليا شبوا النار = وحطوا وعدهم في المكان المغيبي
وتطلقوا مثل السراحين عبار =كل على طلب الرجا والنصيبي
احد يجيا بالسرق جل وصغار = واحد يحوز عن الخمر والشعيبي
وحنا طلايقنا يشوقن الانظار = اليا حدوا المرحان يم الجذيبي
كم خيمة من دونها خمر وحجار = نضوي ونشلها كما شلع ذيبي
وحنا اليا سرنا وحبل الرجا سار = نقطع عليها الخوف قطع العصيبي
ونعطي قصيرنا من العرب مغزار = يستاهل الفرحة وحاله يطيبي
ونصنف الدنيا ونبني بها كار = يوم الرخوم مع القرايا تسيبي[/POEM]

الشاعر عوض الله الزايدي النفيعي يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الاوله يالله ياعالي الارقاب =يامن جميع الناس يرجون عطواه
تغفر لعبد مايبا كثر الانشاب = خوفه كثير ودين الاسلام تقواه
سلام ياباب مغلق مية باب = وموفي القالة ويحرس رعاياه
يابن علي يانور بادي ولا غاب =حليم عليم ماحد واق معناه
ياعمي انت لنا وحنا لك اقراب = ولا طرى بالك على شي نطراه
حيث ان بيديك المعاني والاطباب = ولا انت كما اللي باع دينه بدنياه
ماخذتها تبا تجارات واحساب =الا تقيم الحق والشرع تنصاه
من يوم حركتوا درجها بلولاب = زاد المعادي حالف ماتهناه
والبيض فال اللي وطوا دار الاجناب =علي وزيد وفيصل البيض تغشاه
وعبدالله هاللي صنعة السيف شذاب =وليا نصا العدوان يفعل بيمناه[/POEM]

الشاعر رماح ابو قنة الدغيلبي يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بالعون يامرزوق مخطي ولا اقديت = ذبحة حوارك مابها سد فاقه
يوم ان حنت ناقة العبد حنيت = وحب النما بكى من العجم ناقه
على الفروخ اللي على صيدها اشفيت = بغيت صيده مير عجل فراقه
قبرت هذا عند هذا وقفيت = وذي دبرة الله مالنا فيه طاقه
كم واحد بالمقبره عندهم ميت = ومن عيطموس بالملامس رقاقه
وجدي وجود اللي قعد بالمراريت =ياطاه حجاج على كل ساقه[/POEM]

الشاعر بديوي الوقداني يقول :

[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]انفكت السبحة وضاع الخرز ضاع = وبغيت المه ياسليمان وازريت
صار الذهب قصدير والورد نعناع = انكرت ريحه مختلف يوم شميت
الباب طايح والمسامير خلاع = والحب فيه السوس والفار في البيت
امسيت اكيل الراي بالمد والصاع = قست الامور وعفتها ماتوريت
لافاقد الحيلة ولا قاصر الباع = ويالله يامولاي فيك استذريت
الذيب رزقه في مباديه الاوراع = وانا برزقي في زماني تعنيت
وانا مربى من زماني ومطواع = ربتني الايام حتى تربيت[/POEM]

الشاعر عويض الازوري من قصيدة طويلة يقول :


[POEM="font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ياللي بامرك النور يوضي = ياخالق عبدك لخمسة فروضي
طالبك ياربي تقوي حظوظي = عبدك على طرقة هل الخير تهديه
تلطف بعبد في الزمان المغير = هجسه وهاجوسه وفكره تحير
يامنشي الما حيث ماشيت سير = واليا خلق عبده يميته ويحييه
تلطف بعبد تالي الليل مابات = امسى يفكر في عسيرات الاوقات
البعد خير من الاهل والقرابات = المستحي ليه ياهالمخاليق ليه[/POEM]

فايز بن مفرح بن عفنان العصيمي
(1362هـ - ......... هـ )

يتوجد على اخية الذي توفي !


يالله يـ امدبر تصاريف دنياه
ياللي صخرت جبالها يسجدني

تكتب لنا عندك معزة ومرضاة
يوم الجوارح للولي يخبرني

مرحوم يا من له على اخوه مجفاه
منساه لو اني السنين ارمسني

حدر على شرف ولايف معفاه
سودن على قطع الفيافي يجني

وعند النكوفة جاه مكتوب مولاه
ونهاية الاجال ما يمهلني

الموت جاه من القدر جوف مضماه
بارض خلا واذيابها اللي عوني

من شاف وسم الشرف جنب وخلاه
والشرف مع محدارهن سندني

وجتنا بقايا تركته يوم طرياه
شهب الغوارب واجلنه وجني

يا ونتي ونة رضيع على غذاه
وامه غدت قدم اربعينه يجني

ولا خلوج قامت الجيب تفراه
وعيونها بالليل ما يمرحني

الونه اللي تالي العمر تبراه
اللي بها خضر الورق يابسني

على وليف مات ما نا بوياه
عز الله انه يوم قفا شحني

خمسين عام وكن عيني تحلاه
حبه نبت في ساير العضو مني

واخوي ابارثاه واذكر مزاياه
وترى مزايا اخوي ما ينحصني

انشهد انه تفعل الطيب يمناه
ولا همه الحساد والمستضني

اخوي زبن اللي جواده مجلاه
يوم الاشافي باللقا يبسني

واخوي عيد الجار والضيف وحلاه
وشهب الليالي بالقسا يشهدني

ياليتنا في وقفة البعث نلقاه
واقول يا (سليمان) لو صد عني

وله ايضا



والقلب يمفرح تقافت محيله
متعلق بالذود من بد الادباش

يبي قطيع سود دق وجليله
من لاتولع مع هل الذود لاعاش

نمشي بها في نجد عز القبيله
اللي مضى لجدودنا لقم وعراش

كم واحد جاهم وحتفه يشيله
عقب هذبانه طوعه كل مدغاش

وعقب الطمع صارت عزومه قليله
واللي سلم خلا الزماميل وانحاش



....