تقاسيم لـ (( مستور الذويبي )) .. !!

:
:




عيد .. وحب .. ورعب .. !!

في صباح احد الأيام دخل على مكتبي في الجريدة ..
شاب متحمس الأبتسامه مرسومه على محياه ..
بادرني بعد السلام بـ (( يسعد لي صباحك )) ..
رديت السلام وقلت : تفضل .. !!
جلس وقال : عندي (( شوية بوح )) .. أبتسمت وقلت :
وأنت جاي بـ (( شوية بوح )) فقط .. ؟؟
ايتسم وقال : (( جيت أسمع صوتي للناس ( هل من مستمع ) ؟؟ ))
قلت : كلي أذان صاغيه .. !!
ألقى قصيده بعنوان (( أياتفاحتي )) .. وسألني هذي كـ (( مشاركه أولى )) وش رائك فيها .. ؟؟
قلت : رائعه .. !!
وألقى اخرى بعنوان (( على طاري غلاك )) .. وكانت مثل سابقتها رائعه .. !!
قلت : قصائدك رااااااائعه .. !!
قال : كل الشباب يقولون كذا أنت (( ابوالروايع .. والبخت ضايع )) ..
قلت : لا .. بختك زين وأنا في داخلي (( محتفل بقدومك )) كشاعر رائع ..
قال وهذي قصيده ثالثة أسمها (( كيف اعايدك )) وقبل يقراها ضحك ..
أستغربت وسالته عن سبب ضحكه .. !!
قال : هذي لها سالفه وكانت (( عيديه ( مهي ) عايديه )) ..
قلت : كيف ؟؟
قال : بحكي لك السالفه ..
ولاتظن من غرابتها انها (( سوالف بكاش )) لانها صايره علي شخصياً .. !!
قلت : هات .. !!
قال : (( عادتي ليلة العيد )) اروح للحاره اللي فيها (( بيتنا القديم )) ..
أتذكر (( زمان الطين )) وذكرياته ..
واقضي ساعتين في المكان اللي ارتبطت فيه وأنا (( جنين )) في بطن أمي .. !!
دخلت الحاره وفي طرفها المظلم شاهدت لي (( قمر تايه )) ..
ماقدرت اتجاوزه ولقيت نفسي منجذب له ..
رغم اني طول عمري كنت (( عفيف النوايا )) وأسمي الغزل (( غرام الأفاعي )) ..
لان لدغاته اتعبت ناس اعرفهم ..
المهم لقيت نفسي واقع في (( شباك الغرام )) بسرعه رهيبه .. !!
احس اني خرجت من الوعي (( لـ الا وعي )) ..
وصابني (( شي عادي ولاهو عادي )) ..
أذكر انه ماكان يعنيني (( وش خلف البراقع )) على كثر ماشفت ..
لكن في هذا الموقف كنت عكس ذلك .. !!
تجرأت وسألتها عن اسمها وقالت : (( فريال )) .. !!
قلت سبحان من وهبك الجمال .. كأن (( الطريق )) طربان بمشيك عليه ..
وشوي ويغني لك طرب (( ياريم وادي ثقيف )) ..
ماردت بكلام واكتفت بـ (( ضحكات الترف والنعومه )) ..
قلت : حتى وانتي تضحكين (( صوتك دلع )) ..
وبفعل (( شغل السلهمه )) تعلقت في سحر (( الرموش )) ..
وغرقت في (( العيون الزرق )) ..
شعرت اني على (( فوهة بير )) الغرام ..
ولازم اقضب (( ملازيم الرشى والدلي )) عشان اشرب من جمته .. !!
قلت : وبعدين وش صار عليك انت وقمرك التايه .. ؟؟
قال : اصبر بعطيك هالحين (( آخر فصول الروايه )) .. قلت : هات .. !!
قال : تبعته الى ان دخل بيته .. وصرت ادور على بيته ..
وفي أخر مره (( مريت بيته و ... )) حدث مالم يكن في الحسبان ..
قلت : وش صار .. عسى (( ختامها مسك )) .. ؟؟
قال : طلعت من بيتها في (( صوره صعبه )) عكس صورتها الأولى ..
قلت في نفسي أثر (( المحب اعمى )) .. أقتربت مني ومعها أثنين .. وبدون مقدمات ..
عطوني (( علقة )) عمري ما أنساها ولقنوني (( درس )) .. استوعبته زين .. !!
قلت : ليه تشاجروا معك .. ؟؟
قال : اللي كنت اقول عنه (( قمر تايه )) كان جنيه جتني بشكل أنسية ..
ويالله لقيت لي (( فرصه )) وهربت ..
كانت مرعبه تلك الليله لدرجة اني كنت اقول (( اطيب الليل تاليه ))
ومن بعدهم عفت السهر والليل ..
و(( للأحاطه والعلم )) من هاك السالفه ماعاد مريت (( بيتنا القديم )) ..
وودي انسى (( زمان الطين )) وذكرياته اللي كادت تأخذ عقلي ..
والقصيده هذي كتبتها عن شعوري قبل الـ (( علقه )) لأنه شعور لذيذ ..
بس ليته كان مع أنسية .. !!




تنبيه :
كل مابين (( الأقواس )) عناوين لمواضيع (( مستور الذويبي )) .. !!

الله الله الله
الله الله
الله

يابو حمد .. على هذه الحبكة .. المحبوكة .. اللتي زيّنتها مواضيع ابو شاهر .. المميزه دائما .


لله درك
لله درك
لله درك

مازلت يابو حمد تدهش الكثيرين جدا بهذا الأسلوب حتى أحبتك الأقواس .. واستمالت لك الألوان فصارت تتراقص فرحا بحضور إبداعك مع الالفاظ لأنها تعلم أنك ستنصفها في هذا الزمان الركيك .

ابو حمد ..

تقبل .. المحبّه ..والمودّه ... والإحترام .. والتقدير .. وكل شي راقي .. لك هدية ..

لأنك .. مبدع .. مبدع .. مبدع .. مبدع الى مالا نهاااااية
.
.
.
واسلم وسلّم

2

قال : (( عادتي ليلة العيد )) اروح للحاره اللي فيه (( بيتنا القديم )) ..
أتذكر (( زمان الطين )) وذكرياته ..





مسخر الابداع : عبدالرحمن حمد العتيبي



لله درك وماشاء الله تبارك الله



صح بيانك !!

ابداع

عز الله أنك ترسم الابداع رسم


الله لايضرك يا ابوداحم .. أمتعتنا ودخلتنا في جوء قصصي مثير ومرعب




(( مستور الذويبي ))

أبوالروائع وأحد نجومنا وأختياره لـ عناوين مواضيعه
أبداع بحد ذاته ..




محبتي وتحيتي لكما

شعرت اني على (( فوهة بير )) الغرام ..
ولازم اقضب (( ملازيم الرشى والدلي )) عشان اشرب من جمته .. !!


مبدع ياعبد الرحمن في كتاباتك

وتجبرنا على المتابعة

ووفقت في اختيار ابو الروايع

اي والله اعزف وسمعنا تقاسيم الابداع ,,

حي الحضور البهي يابو حمد ,,

كمان الله لايضرك يااستاذ

والله إنك مجنون إبداع يهالمودمي
لافض فوك إي والله ..

ويستاهل ابو الروايع هذه الروايع
تحيتي لك ياخال ..

والله انك عجيب ومواضيعك اعجب


لاهنت يالشيباني عبدالرحمن لاهنت

شف أنا بأقول لك حاجه ..

انت مبدع .. مبدع .. وهذا شي ما نختلف عليه ..

بس السؤال الليس عن جد ودي أقوله .. هو :

كيف لك خلق تجلس وتطلع مواضيع الشباب وتقعد تربط عناوينها ببعض من خلال قصة تبتكرها انت وتحيكها بحيث ان الواحد يبي يلقى عليك خطأ من حيث الزمن أو غيره من الأخطاء ولا يلقى ؟؟؟؟ ..

ما شاءالله عليك يا ابو حمد وعيني عليك بارده ..

ومستور عسل ومواضيعه كلها حلااااا ..

:

سلاااااااااااام ..

ابو حمد
العالم يقولون انك مبدع وانت منت بمبدع

انت الابداع بعينه
لله درك
وصح لسان مستوور الذوويبي

ياكثر ابداعك الخارج عن نطاق المعتاد ياهالآدمي ..


ابوحمد , لك خيال يُتعب الكثير وأجزم بأن لك نصيب وافر من هذا التعب .. لسبب بسيط وهو تغريدك خارج السرب وحيدا ً



ابو الروائع او مستور الذويبي ..


شاعر مبدع واخ عزيز يستحق كل هذا واكثر .. وهو من القلّة الذين يكتبون الشعر بدافع الشعور .. وبالطبع هو احد رموز المرقاب الذين نفخربهم دائما وابداً ..


اعجابي بكما .. يقطر دمّه


لكن

سلامي عليكمـ ,

ياعيني على الضبط والربط البديع اي والله

لله درك يا بوحمد ،



رائعه يستحقها ابو الروائـع





...

شاعر البورصه
يستحق ان نقسّم له معزوفات .. اسبانيه
ابو حمد
العازف الماهر

تحياتي لك

لله درك يا شيييييييخ

بسم الله

هنااااااااااااااااااااا حبكه لايجيييييييييييييدها الا الكبااااااااااااار

فلله درك يابو حمد

ويستااااااهل ابو الرواااائع هذه التقااااسيم الرااائعه

يستاهل ابو الروائع تطريز ابداعه بابداعك يبو حمد

انتم يا الاثنين ماتتحتاجون شهاده

محبتي واحترامي لك ولابو شاهر

للأمانه...صابني الذهول ولأندهاش


من سعة فكرك وقدرتك على الأبتكار ...الله لايضرك


مميز حتى في اقواسك ولألوانك...التي لاتشبه الى أنت


أخوك

تبارك الرحمن

الأخ العزيز ..والغالي /عبدالرحمن حمد العتيبي ..

أسعد الله مساءك بالخير ..والمسرات ..

الدهشه تعقد لساني أمام هذا الابداع الغير مستغرب من مبدع مثلك له بصمة خاصة في مرقابنا خاصة ..وصحافتنا الشعبيه بشكل عام ..

لن أوفيك بعض حقك في هذه العجاله في وقت أضفت فيه على مواضيعي طابع خاص ..جعلني أتيه فخراً ..بكل موضوع كتبته ..
تصدق إنّك ذكّرت عناوين نسيتها ..وكأني أول مره أراها
وألذّ مافيها (العلقه) الي ذوّقتنيها ..وأنا ماذقتها ..لكنهامنك عسل على قلبي ياعسل

ابوحمد ..
لجهدك ..وكرمك الحاتمي معي ..ومع جميع أعضاء المنتدى ألف ..ألف مليووون شكر..وتقدير

دمت بهذا التألق ..والله يزيدك من هذا الابداع يابوحمد ..ولايحرمنا من تقاسيمك الرااائعه يارائع

تقبل من مغليك كل شكروتقدير ..والشكر موصول لكل من مرمن هنا ..من الأخوة الزملاء بالمنتدى

..

[mark=#6b1d85]تقاسيم .. [/mark]


تستحق ان ترى النور من جديد خصوصآ انها لـ شخص ملء المرقاب شعرآ .. وسُميَ (ابو الروائع )

غاب عن المنتدى لكنه كان حاضرآ في قلوب متابعية ..

انا شخصيآ (اُحب هذا الرجل في الله ) واراه من افضل من يكتب الشعر الشعر ..

سعيد جدآ بـ رؤية اسمه هذا اليوم في المنتدى ..


فـ يا هلا ومسهلا يامستور




جميع كمات الشكر لا تفيك يا بو حمد على ابداعك المتفرّد



تحياتي