زاهية الكفوف المحنّاه

السلام عليكم ورحمة الله وبركاته وبعد

أيها الأخوة في أحد الأيام فتحت الجوّال وكان مغلق إلا ومنبه الرسائل ينبّه بقدوم رسالة وبعد فتحها إلا وهي أبيات من الشعر مصدرها محمد بن منيف بن عبدالله المنيعي الأكلبي وإليكم أبياته وردي عليها وأعذروني جميعاً على العجلة في الرد وحيث أن أخي محمد لازال صغير في سنّه كبير في فعله وجبت علي النصيحة في القصيدة


هذه أبيات محمد

[POEM="font="Simplified Arabic,5,blue,bold,normal" bkcolor="transparent" bkimage="" border="double,4,royalblue" type=2 line=1 align=center use=sp num="0,black""]حي إتصالك يا أحمر العين حياه=يامرحباً والنفس تبدي سعدها
يامرحباً ياطيّب الوجه والجاه=عد البروق اللي ترازم رعدها
يامرحباً باللي ليامر طرياه=قول ونعم ماعاد تحصي عددها
اللي يقول إسمك قبل مايتعداه=غصبٍ ينعم له ويبتل بعدها
ياشوق زاهية الكفوف المحنّاه=اللي غرضها منك تكسب ولدها
ماهي شهادة زور والشاهد الله=في سد وجهي يامدور سندها
خذها وعطها من جهل مامدحناه=أرهن عليها شاربي وأعتمدها
وأكسب رهاني في الرجاجيل شرواه=وشلون ما أكسب والجبيري أسدها
هذا شجاع اللي طروقه مخلاه=والمرجله بيته وطيبه عمدها
إسمٍ ينومس من ذبح له وسمّاه=وتموت عين الحاسدين بحسدها
واللي زرع طيبه مع الناس يلقاه=والطيبين إفدالها من جحدها [/POEM]

وهذا ردي عليه

[POEM="font="Simplified Arabic,5,red,bold,normal" bkcolor="transparent" bkimage="" border="double,4,crimson" type=2 line=1 align=center use=sp num="0,black""]أهلاً هلا يامن بعث لي تحاياه=إعداد ودّان المزون وبردها
جتني بيوتٍ صدرها قافه الآه=وعجز البيوت مثبته فوق أدها
جزل البيوت الوافية جات مهداه=لاسمعها الناقد وقف مانقدها
جت من غلامٍ مانطق هزلها فاه=نسل القروم اللي توفي وعدها
الساس طيّب والقرانيس مجناه=وله لابةٍ بالطيب كلٍ شهدها
خيّالة البلها نهار الملاقاه=عدّوهم يشكي الحياة ونكدها
محمد اللي منهج الطيب مبداه=من شبته كل المراجل وردها
إسمع كلامي يامحمد ومنحاه=نصيحةٍ تاجب على من وجدها
توجيه عقلٍ من التجاريب صغناه=أخذ الخلاصه يافتى وأستفدها
عليك طاعة من خفا السر يفلاه=عليم نفسك من المهد لا لحدها
الواحد اللي كل خلقه ترجاه=وكل النفوس بمد فضله مددها
ياسعد من فرضه مع الناس صلاه=والنفس عن فعل المعاصي طردها
وسنّة نبيك راعها وأتبع خطاه=من عالمٍ مادون إلا وكدها
ورافق صليب الراي وياك وياه=اللي على الطاعة عزومه صمدها
ينهاك لاقصرت مابه محاباه=والمخطية من خلقته ماعمدها
حُرٌ ولدحُرٌ على الطيب رباه=أحرار والأحرار يبهج هددها
الأصحاب فيهم كنز في الضيق تلقاه=سيوف هندٍ تطرب اللي جردها
وأحذر صديق السو كبّه وممشاه=تراه شرٍ للعيون ورمدها
يبغاك دونه دايمٍ ماتعداه=ولا يحل العقده اليا عقدها
إن شاف خير مد للخير يمناه=ومدّة يمينك غطها ماحمدها
وإن جاك من الأقدار بعض المعاناه=الحربة اللي في يمينه غمدها
وأحذر من اللي صحبته لأجل لالاه=صحبة عوافي ولايعاني كمدها
للمعصية دايم حثاث مطاياه=وأما على الطاعة رديٍ جهدها
يعصي وستر الله عن الناس غطّاه=ون قابلك كل المعاصي سردها
كبّه عسى ربي على الحق يهداه=يترك ملاويها ويسلك جلدها
أسمع كلامي يامناة المخبّاه=اللي كما الليمون رزّة نهدها
الكفو بنت الكفو دايم تمناه=وكبود من يغليه فعله بردها
قلته وأنا ما أبغي من أحدٍ مجازاه=أرجيي جنانٍ بيد ربي رغدها[/POEM]


وسلامتكم

صح السانك

واعتلى شانك

تحيتي لك

بيض الله وجهك يا شجاع
وبيض الله وجه اخوك محمـد


ورافق صليب الراي وياك وياه
اللي على الطاعة عزومه صمدها

ينهاك لاقصرت مابه محاباه
والمخطية من خلقته ماعمدها

حُرٌ ولدحُرٌ على الطيب رباه
أحرار والأحرار يبهج هددها



عزالله وصيته وصيه ثمينه
صح لسانك
صح لسانك
صح لسانك



دمتوا على العز

الله الله


صح لسانك ياشجاع وصح لسان محمد ,,

حكمه وجزاله غير مستغربه عليك,,

تحياتي

الله الله
الله الله



من العيار الثقيل


صح الله ألسنتكم جميع جميع

الله الله عليكم



عزالله ابدع


صح لسانكم



تحيتي

يا سلام يا شجاع


صح لسانك

وصح لسان محمد


ولا هنت

**********


صح لسانك ولسان اخوك محمد


صراحه الأثنين مبدعين

لكما خالص التحية والتقدير


دمت بود

******