من أين تؤكل الكتف ؟!!

المشاركة الأصلية كتبت بواسطة بدر ناصر العجمي

من الفم

هههههههههههههههههه..
بدر أجل من تبيها تووكل يامال الغنيمه ؟؟؟!!


شرفتني بمرورك ::..وتوقيعك مررره جناااااااااان ;

محبتي ..

المشاركة الأصلية كتبت بواسطة فايز ابورجيله الثبيتي

يقال


ان أكل الكتف من الاعلى خطأ كبير

وأكلها من أسفلها هو الصحيح

لان المرق الموجود في الكتف يسيل من الاعلى الى الاسفل فلو بدأ الانسان أكلها من الاعلى ذهب مرقها سدا

ولو بدأ من الاسفل غنم اللحم والمرق كما يقال

صح يابونادر ...إجابه وافيه ..وشافيه ..

تحيتي لك

المشاركة الأصلية كتبت بواسطة عبدربه

^
^

أنت معجبني توقيعك حييييييييييييل + + +

أي نعـــم : ( بيتٍ على مر الزمان يتناقـل **** ولا قصيدٍ عقب لحظات ينسى ) !!!



نرجع حق أبو الروائع

حضور أول بالعام نتمنى أن يكون بداية خير يابوشاهر ..



وبالنسبه لسعالك !

فما السئول أعلم من السائل ..

وأظن ان إجابة الثبيتي الثانيه فيها شئ من الإصابه

يعني المرق في الغضروف يجي حوالي نص فنجال !!

بس كيف يأكل أولاً وبعدين يشرب المرق ، والا كيف ؟؟؟

لأنه حين يجي يأكل لازم ينتسفي المرق ، إن تسان فيها مرق ,,,!


تدري مدري


سلام’ عليكم

وعليكم اسلام ورحمة الله وبركاته ..ونعمته ..ومغفرته ياشيخنا الفاضل

أنا ماقلت صحح للعرب انا اللي جايب السعال ماهوبانت ...جاوب ولاّ وخر عن الرياجيل اللي يبحثون بالقوقل

ياحبني فيك وكان

المشاركة الأصلية كتبت بواسطة عفاس بن حرباش

^
^
ياخي الادمي ذا يقطع حبل الافكار

نرجع لـ ابو الروايع

انا نباتي على قولة واحدً من العيال واذا بلا الله واكلت مأكلت من الكتف

تحياتي

وننتظر موضوع ( من أين تؤكل الدونات ؟)

على شان نعرف نشارك

هلا والله بالنباااتي

قريباً ..من أين يؤكل الجرجير

لكن دونات هذي خلّها لغير ياعفّاس

محبتي لك

المشاركة الأصلية كتبت بواسطة مشعان البراق

,

الحضور الاول
ولاهوب الاخير ان شاء الله يابو شاهر ,

/

عمومآ :-
سجلني في صفك <- متعوّد مايشوفك الا افي الفنون ,


:

بالنسبه لي : اكل الكتف ليا حطت قدامي .. طبعآ من حيث ما اشتهي وما يغري عيوني ,

ياهلا ..وغلا يابو محارب

أنا مسجلك في صفي دوماً ..بالفنون ..,غير الفنون


أسعدني مرورك يابومحارب ..

المشاركة الأصلية كتبت بواسطة نايف المقاطي

عساه اوله يامستور

ياكثر ماسمعناها من ناسٍ يتمدحون ابها

واعتقد انهم يجهلون كيفيتها

ننتظر الأكيلة على قولك

غيمار

والدليل قدّامك ..حتى مفتي المرقاب عبدربه ماهو بعارف ..

والله يخلّي قوقل بالوجود

محبتي يابومستور

المشاركة الأصلية كتبت بواسطة سنجار

حياك الله يبو شاهر






وبعدين يالربع الي فوق من قال انه الحضور الأول لمستور في المرقاب العام







الله يصلحكم ولا يبتليني




مستور شارك في المرقاب العام من قبل خمس سنوات





لكن نقوله حياك الله من جديد





اما من اين تؤكل الكتف


والله يبن الحلال

انت تدرس الورعان اللغه العربيه ............... وجاي تطبق عندنا انت ووجهك الي تقول مفك جبنه



بما انك يبو شاهر سألتنا والحقيقه حنا ماحنا اصحاب هذا التخصص


لكن نقول


جاء بتفسير هذا المثل هو أنه يضرب للرجل الداهية والواعي بأن الكتف تؤكل من أسفلها

أما أكلها من أعلاها فخطأ كبير لأن المرقة تجري بين لحم الكتف والعظم

فإن أخذتها من أعلى جرت عليك المرقة وانصبت هدراً وإن أخذتها من أسفلها إنقشرت

عن عظمها وبقيت المرقه ثابتة مكانها فتمكنت من اللحم والمرق



اخوان بدوه الي مايعرف الكلام الي فوق اقوله من جديد


اذا اخذت لحمة الكتف من فوق مافي شي يوقف المرقه تحول مع عضم الكتف( تسيل)
لكنت اذا اخذتها من حدر يوقفها غضروف الكتف من فوق ويحداها وتعود عليك وتصير عيونك على شكل زاويه منفرجه تلد في العرب عشان ماتغص




<<<<<<<======= الولد هذا ذكي بس محد معطيه وجه











والحقيقه ان اكثر الناس مايعرفون من اين تؤكل الكتف





طيب عندي سؤال من اين تؤكل ام بحوث

هلا بالاستاذ المشاغب /سنجار

تبي تجاوب عاقل ..ولاّ أوقّفك بآآآآآخر الفصل ..وترفع رجلك


إجابتك صحيحه ..ومثل ماقال عبدربه >>>>سبقك بها عكاشه


وأم بحوث ماياكلها ألاّ ....؟؟؟<<<<!!!

المشاركة الأصلية كتبت بواسطة فيصل الجعيد

8
8
8

ما شافوهم وهم يسرقون شافوهم وهم يتحاسبون هههههههههههههههههههه


اما انت يا ابو شاهر

عز الله انه سؤال محير ... ويحتاج الى استعداد ذهني خطير

مما يؤدي الى معرفه الاجابة الصحيحة ،،،

لذلك وفي هذه الاجواء مالنا غير الرمعات مع الشعب : )


فاقول مستعينا بالله ان الكتف تؤكل من اولها الى اخرها ^_^

ههههههههههههههههههههه

عساها بالعافيه ..

لكن يافيصل وأنا أخوك لأكل الكتف طريقه تضمن بها اللحم والمرق ..ولا يبقى فيها شي

وتراها ماهي بلغز علشان ترمع ..


محبتي لك

المشاركة الأصلية كتبت بواسطة مبارك آل خليفه

الله يذكر الحصيّن بالخير


سأله معيض في موضوع مرقابي تحت المجهر


من أين تؤكل الكتف ... قال من عند الغضروف ,,

يعني من أعلاها

الله يذكرهم ..ويذكرك بالخير يامبارك

لاهنت على مرورك

المشاركة الأصلية كتبت بواسطة فالح المصعوك

ابو شاهر الظاهر ان الكتف تؤكل من الكتف<--قل والله


يورالي ان جااااااابة ابو رجيله اقرب للصوااب ولو انه ماخذها من قوقل <--وش دراك انت


هذا والله اعلم

والله أعلم


شرفتني بمرورك ..وحضورك يافالح ..

محبتي لك

المشاركة الأصلية كتبت بواسطة عبداللطيف الغامدي

هذي اول مشاركه وسببت مشكله بين الربع

اجل ركز على الشعبي والفنون عندك مشعان اطلبه اليوم وتفاهم مهه

بعدين يالربع اذكروا الله

لا تتخانقون على شان نص فنجال مرقه <<<< على قولة ابوعتيق

وحسب القوقل يا ابو شاهران اجابة فايز صح واجابة سنجار صح مكرر


وسلامتك

شورك وهداية الله يابوراكان

أنت ..ومشعان كلّكم ضمن الخطه

جااااااايكم بس اصبروا علي لين أشارك بشاعر المعنى


محبتي لك يابوراكان

لكل من مرّ من هنا

شكراً لهذا الحضور المشرق ..والهدف تسليه ..وإضافة معلومات <<<< بس يامثقّف


محبتي لكم ..

أبوشاهر

8
8

عطني خشمك !

..

^
^
^


تسلم يامحمّد..

:
:

صديقي :

(( ابوشاهر ))
حياااااااااااااااااااك وهلابك .. هالحين وبعد حين .. !!
أما بالنسبه لـ (( الكتف )) وأكلها ..
فأنا اتفق مع (( ابورجيله )) في سيرة رأيه ..
وعلى فكرة أعرف لي مرقابي ..
يأكل (( الكتف )) كامله لحمها وعظمها .. !!
جعله مايجوع وواحد منا حوله .. !!
<-- وش محمد السواط ؟؟

المشاركة الأصلية كتبت بواسطة عبدالرحمن حمد العتيبي

:
:

صديقي :

(( ابوشاهر ))
حياااااااااااااااااااك وهلابك .. هالحين وبعد حين .. !!
أما بالنسبه لـ (( الكتف )) وأكلها ..
فأنا اتفق مع (( ابورجيله )) في سيرة رأيه ..
وعلى فكرة أعرف لي مرقابي ..
يأكل (( الكتف )) كامله لحمها وعظمها .. !!
جعله مايجوع وواحد منا حوله .. !!
<-- وش محمد السواط ؟؟

أبو شاهر :_ خليت لـ ابو حمد درب علينا ..

هذا السؤال .. مغري .. جدا خصوصا ان فيه طاري مرق .. وغضاريف ..
أستفدنا معلومه مكتسبه من القدماء .. فجزاك الله خيرا يا ابا شاهر
,

مستور الذويبي .,

رحت للمجلبة خصوصا ً على عشان ذا الكتف
موضوع في غاية الروعة
تحياتي ومحبتي