الرد على الشاعر الكبير صالح الناصر

السلام عليكم ،

شرّفني الشاعر الكبير صالح الناصر بقصيدة موجهه بعنوان قصيدة اسناد لسداح
وهذه هي القصيدة الثانية التي تصلني من الغالي ابو عبدالرحمن
ولا شك ان مجرد اسناد هذا الرجل لي هو تشريف لي

يقول الشاعر الكبير صالح الناصر

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياهاجس الشعر لو تسمح تحاكينـي=عسى الشوارد تحاكينـي وحاكيهـا

بالشفره ام الدهى وام المضامينـي=تحيي ضميري بروح الشعر واحييها

في ماقفـي كلمـا نديـت تشفينـي=امهّد ادروبهـا واسهـر واسريهـا

من قبل الالفين والا بعـد الالفينـي=احسب لها بأول الهجـره وتاليهـا

واخاطب المبدعين اللي على دينـي=وبواخر الشعر ترسي في مراسيها

الحـي بافكـاره العذبـات يحينـي=ينعش تفاكيـري الحـره ويقريهـا

سـداح مـا دام ياسـداح توحينـي=السالفـه بيننـا زانـت معانيـهـا

خل انتكلم على الراس وعلى العيني=ونسرّح اعلـوم وعلـومٍ نضويهـا

الله وكبر علـى كبـر البعارينـي=يوم انهـا بِركـت بانـت خوافيهـا

لاكن لـد النظـر بيـن الفريقينـي=ياذيب شمس الضحي ماحدٍ يغطيهـا

السلطنه علمهـا عنـد السلاطينـي=وعلومنـا ماتغيـر عـن مباديهـا

ان خيم الـذل بقلـوب المحبينـي=تحر ليلـى اليـا هلـت عباريهـا

ترجمت علمي وصدرت البراهيني=الارنب المخمـره تمسـك بذانيهـا

يكفي عن السالفه روس العناوينـي=واخوي سـداح بسلوبـه يجاريهـا

وانا الحقيقـه مـن الدنيـا يكفينـي=ربعن نشامـا تخاوينـي وخاويهـا [/poem]



رد متواضع :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا محاكي الشرد بحروف ٍ تسليني =دايم تجيب الفرايد وأنت راعيها

وأنا لو أني حزين وخاطري شيني=و نفسي من البارحه فيها وما فيها

نفضت عنها الشقاء بالمنطق الزيني=وسرّيتها معك ببيوت ٍ تغنيّها

لين أسفهلت ما بين العسر والليني=وطير السعد يكسر الحوم ويناديها

الله يحييك يا صالح ويبقيني=وقصيدتك عقب جات الله يحييها

خلّيت كل العباد وجيت ناصيني=وهاذي شهادة شرف والطيب حاويها

عزّ الله أنك عزيز ومن عزيزيني=محبوب والوافيه تعمر مبانيها

مكانتك يوم قرّن الموازيني=بين الرجال العوارف منت غاويها

العام مديّتها ما بينك وبيني=واليوم يا الشاعر المبدع نثنيّها

خليّتها مبهمه لعلّ يمديني = أحايل المبهمه وأظهر خوافيها

لا تبّت يدينك .. ولا تبّت يديني=الناس مجنونها يرقص لصاحيها

كم عاقل ٍ راح من ضمن المجانيني=ترمش عيونه ويكحلها ويعميها

لكنّ لاتشتقي بالخفّ والقيني=أرتاح والسابقه تطلع بأياديها

وأن قلت زادت جروحك يا فلسطيني=أقول ما للجروح الا مداويها

اللي يدربي حصاة رزاح فالطيني=عساه لا شالها يقدر يوطيها

الله يكافيك من شرّ الشياطيني=تمّت .. ودنياك لا تآمن بلاويها [/poem]

وسلمتوا ،