... الشرهـه على الوردتين ... مصافحه أولى

[align=center]
المرقاب الأدبي

أتشرف بـ مصافحتكم مصافحه أولى

و أشكر أخواني محمد المسعري
و فهيد بن عصيدان
و بدر العتيبي على دعوتهم لي





.
.
.[/align]





[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليه خليت قلبي من غيابك حطام .. !!= ليه ما صنت عشرتنا طوال السنين ..!!
دام ما انته بـ قد الحب وإلا الغرام .. = ليه ولعتني وأقفيت في غمض عين ..!!
والله إني عقب فرقاك ماني تمام .. = أنحر الشعر هم .. وأرتمي بـ الونين ..
إنت نايم .. و عين اللي عشق ما تنام .. = كل ما طوّل غيابك يفوح الكنين ..
مات جمري .. و باقي لك رماد الكلام .. = مل صبري .. و لا باقي سوى دمعتين ..
ليه يا خي ذبحت الحب فيني !! مدام .. = تدري إن لك بـ قلب اللي يحبك حنين . !!.
فيك أنا توني ما جيت لأول مرام .. = والهوى ضاع .. والشرهه على الوردتين ..
الأمل مرني البارح مرور الكرام .. = مر ما قال لي : مشاري علامك حزين .. ؟!!
خانت الخيل بـ الخيال وسط الزحام .. = والأماني رمتني من يسار لـ يمين ..
ما أصدق يطول البعد !! والله حرام .. = تترك اللي عشانك أهمـل العالمين ..!!
كانت أحلامنا غيم .. و قفاها العسام .. = رحت ما تشبه إلا نشوة الياسمين ..
خل جرحي .. مصير الجرح للإلتئام .. = يمكن بـ يوم .. أو يومين .. أو بعد حين ..
صاحبي .. ما أقول إلا .. عليك السلام .. = إنته أجمل غرام ٍ عشت به بـ السنين ..[/poem]