الكلام الجزل خير إمن السكات ,,, والسكات احسن من الهرج الزهيد

هذه القصيده بمناسبة امسيه أقمتها في مهرجان أهل القصيد الثالث عام 1428هـ في دولة الكويت الشقيقه




[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احمد الله صحت لهجوسي وجات = قلت هاتي, قالت أخذ اللي تريد
ثم خذيت , وقالوا الجمهور هات = قلت هاكم . قالوا إسمعنا المزيد
قلت والله كل فكر ٍ له بنات = والله الله ياخيالي في الجديد
الكلام الجزل خير إمن السكات = والسكات احسن من الهرج الزهيد
فقال اجيب افكار شعرٍ شاردات = انت تاثق في كلامي , قلت أكيد
فجاب من جزل البيوت الوافيات = وصاغها عقد ٍ من الدر الفريد
وجيت من بيشه بلاد المكرمات = طيرها يلعب على خضر الجريد
واهلها صنفين شعار وروات = والأصيل اغلوه عن كل النشيد
وكلن عشاق قاف ومفردات = في ضيافة مهرجان أهل القصيد
مهرجان كان من ضمن المنات = فجاتني الدعوه وكلمني السعيد
قلت حاضر مالنا عنكم غنات = بستفيد إمن العوارف قبل افيد
وياسلامي من عموق صافيات = ساقها التقدير والعرف الوطيد
للكويت ارض المعزه والثبات = يابلاد المجد والماضي التليد
يابلاد التضحيه والمكرمات = عن ترابك كم توفى من شهيد
قادك اشيوخ مغاوير دهات = الصباح اخوان مريم , ياعنيد
من قديم الوقت في ماضي الحياة= ينصع التاريخ والحاضر مجيد
وللسعوديه تثنى الموجبات = ديرة ال سعود مفنين الضديد
من صمايلهم سقط طيش الطغاة =يوم مافك الحديد الا الحديد
وفي الخليج اقوى الروابط والصلات = ونهج عزٍ عن طريقه مانحيد
وكلنا عشاق قاف ومفردات = في ضيافة مهرجان أهل القصيد
[/poem]