جدار السنين..!

مساء الخير لـ الجميع ، متواضعه لـ التواصل ، اتمنى ان تنال على شيء من الرضا لديكم :-


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
على نور البدايه واصلك يا باقي المشوار=خفت بعضه .. ! سطع بعضه ..! و وضح لي مساراتي

بدأ حزني يداهمني و باشر : ( حملة إستعمار )=و كسر لي مجاديفي وانا ما جمّل سكاتي

و تركني أشكي من البؤس ..! لا صامد و لا منهار=اعرف اللي جرا لي بس ، ما ادري وش نهاياتي !

صبرت و خابرآ صبري على الدنيا طويل اشبار=قنعت بمعظم اوضاعي و عدلت إتجاهاتي

على جدار السنين احط و أعلق كذا تذكار=تحييني و ابروزها و ابث اسمى تحياتي

صحيح : الوقت يا صعبه ، صحيح : ان الزمن دوار=و لا باقي سوى ذكرى تطرز لون راياتي

غموض الشخص ما ينقاس بالكتمان و الأسرار=وانا أسراري دفينه تكتشفها في كتاباتي

و وسع الارض ما ينقاس بالأمتار و الأشبار=و انا بأرحب بلاد و ضاقت بعيني مساحاتي

انا بصدري كلام العام ما يبرد و دمه حار=يسولفني لليل الصمت و يترجم معاناتي

جروح الوقت لو تبرا بكثر البعد و الاسفار=نستني ديرتي واعتادت الأسفار خطواتي[/poem]