الفاتنه

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
دخيلك البعد لحظه لاتهوجس به=خل المقادير لاتشغل بها فكرك
الناظر اللي ظلام الليل دامس به=وش عذرك اليا جرحه الدمع وش عذرك!!
تراي ألي مجلس(ن) بظلاله اجلس به=اليا أنفهق ليلك المنساب عن بدرك
يسريبي الشوق مع رمش(ن)تناعس به=وآطيح من سحرك الغامض على سحرك
عقد(ن)على عنقك أنواره تعاكس به=ايذوب مابين عاتقك وسنا جمرك
حلاك مافيه عيب الا العقل يسبه=وجسمك مابه ضيّق الا عنقك وخصرك
عاتب يمحلا عتابك يوم تهمس به=وخل الهبايب تعبث في طرف شعرك
الساحل الآمن تعيش النوارس به=ونوارسي تآمن بساحلك وفبحرك
البعد لاظلّم بفكري وعسعس به=قمت اشعلك في لهيب الشوق وانصهرك
اجيك من غربة ابلاد(ن) مئيس به=لين اني آقف على دارك وانا مادرك
ادور لوصلك اية شي (ن) آنس به=في دايرة شارعك وبواجهة قصرك
حتى الهوى اللي بصدري آتنفس به=اقول هذا لعله جاي من صدرك[/poem]



وسلامتكم