مقدم السعدون

الشيخ رياض بن ثامر السعدون احد مشايخ الأشراف
أهدى للوالد فحل أوضح من السلالات الطيبة
وكتب الوالد هذه القصيده كرد ثناء

أخوكم راشد بن محمد

[poem=font="Simplified Arabic,4,black,bold,normal" bkcolor="transparent" bkimage="backgrounds/19.gif" border="none,4,black" type=2 line=0 align=center use=sp num="0,black""]
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

قيّد الأوضح وفكه فـ أمهاته=وإنتبه يالزول واحفظ له حقوقه
أوضحٍ لامن هدر واظهر لهاته=من ضخامتها تضيق بها شدوقه
الجِمال مطوّقه بأربع جهاته=طيّبٍ راسه وطيّبةٍ عموقه
من بغى يقنية ينشد عن خواته=من ظهر هرشٍ مخلاةٍ طروقه
أرسله شيخٍ شهودة مكرماته=في ميادين الكرم عزمة يسوقه
ماترك لأهل الكرم إلاّ فتاته=عارضٍ شبت بمثناتة بروقه
لاوطى الدار الهشيم أحيا مواته=وان تعداه وسرى قلّت وفوقه
أبلجٍ فعل الجميل أصغر صفاته=والعلوم الطيبه شفه وذوقه
ما يسوق الاّ الفحل ولاّ بناته=كل وضحاً من خيار ابله ونوقه
ابو ثامر جعلها تبطي حياته=مع هل الهومات واضحةٍ فروقه
مقدم السعدون فزعة واستماته=للمراجل والمواقيف الصدوقه
مايغيّره الزمان ومعطياته=محتويٍ نص البشر داخل خفوقه
فيّ علمة جاوز الجدي بثباته=وفيه شعري مستيمّاتٍ طروقه
شاعرٍ شعره يعرف مناسباته=التملق والهجاء ماهوب سوقه
يحترم شعره وينقى مفرداته=وفي فضى رد الثناء يطلق سبوقه
[/poem]
[/poem]