ثورة مصر !!

..

السلام عليكم ،


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
يقول من بيده زمام اموره = والحال من فضل الولي ميسوره
شاعر ويغرّف من القصيد الجزله = وياخذ مع دور الحوادث دوره
قسمه على حد السنام وطالع = وليا تعزّوا عزوته مخبوره
لو كان مايعطّى المواقف وجهه = الله عليم ان سيرته مدثوره
لكنّه حي ورافع الله راسه = ولا التفت يم الضعيف وشوره
وان قيل شاعر . قلت ياقواله = ورثٍ لجدي وأستلمت اموره
مابيه لاراح القصيد مهابد = ولاصار جمهوره ماهم جمهوره
ابيه لامنه تطابخ راسي = والقلب مل امن الوجع وشعوره
ياثوره اللي ماعرف معناها؟ = ثوراتكم منهيه وماموره
تونس بلااها من بلا راعيها = لكن مصر؟ ماهي بحاجة ثوره
الله يحفضها للعرب ، ياهلها = والباقيات اللي لكم مقدوره
لو روحت مصر العزيزه رحنا = لكنها بإذن القوي معموره
إيران؟ تفتح شدقها وتلالي = والغرب يضرب متننا دنقوره
سياسةٍ عفنه والأعفن منها = طعم التهاون يوم ذقنا سوره
ماهو بحل إن نغير حاكم؟ = لاصار الامن مثبته بحضوره
الحل بنّا نتفق ونطالب= ونكلمه بالصوت قبل الصوره
الامن واستقرارنا ياعالم ، = ماهو كلامٍ بوّسط الصبوره
حنا اتعضنا من تجارب واجد = وهذا ؟ مخطط نيته مغدوره
ملوّا وخلوّا هالشعوب اتناهض = وعيونهم عن الحقايق عوره
والله لو أنّا نتبع أمخططهم = ننشات باكر مثل شوت الكوره
ياعالم اصحوّا لانجيب امطمه = ونخلي اعداء العرب مسروره
طعم الفقر؟ ولا الدول تاكلنا = برد الكرا ولا الغدر وحروره
يظلمني مسلم؟ واتحمل ظلمه = ولا كافرٍ يرفع علي شروره
مهما أوصف ماتفيد اوصافي = العظم .. يجبر لو تزيد كسوره
ارد واعيد الكلام اللي بيه = وجهة نظر ياعلها ماجوره
تونس بلااها من بلا راعيها = لكن مصر !! ماهي بحاجة ثوره
[/poem]