((( المشكله )))

مساكم الله بالخير


قصيده خفيفه وان شاء الله تعجبكم



،
،
،
،
،
،

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]الليل ... والهاجس ..... وحسٍ مهمله = والحبر .. والقرطاس .. والخافق صويب
والشعر ... والشاعر ... وجرحٍ ينقله = وذكرى على باله تجي نوب وتغيب
والوقت ... للعاشق شحيح ومبخلة = ما دام ياقف ... بين عينه والحبيب
كذا... كذا هي الحياه ........ متْداخلة = لا جا فرح .... يقفاه حزنٍ ما يطيب
لا من لمحت أمسي وهمٍ ما أجهله = والضيم والغربال .... وأشياءٍ تريب ؟
شفته !! ........ وخفتك يالليال المقبلة = من قبل عيني ما تشوف اللي يعيب !
لا جاتني ....... أهموم الليال امجندله ؟ = العلة اللي ...... ما لها طب وطبيب
يا صاحبي ........ يغلا لقا استقبله = يا عنفوان الحب .... يا عودٍ وطيب
يا حلم قلبي فالصبا ..... ومستقبله = ويا نور عيني فالعمر وقت المشيب
ويا ( قلب قلبي ) يا غلا يا مكملة = ويا ( روح روحي ) ياحظوظي والنصيب
لا شفتني بالضيق لي درب وصله ؟ = أقطع مواصيله ...... وقربني قريب
لني تعبت اليوم كتم الأسئلة = ما عاد أقوى صمت قلبك فالمجيب
يا صاحبي ...... باقول لك ما أحمله = وسط الحنايا .. من شعورٍ ما يخيب
وأنت الذي .. فالبال والخافي قله = ما عاد فيها .... والرجا باللي تجيب
المشكلة....... ما هيب أشواق ووله ؟ = أو طعنةِ شابت .. وجرحٍ لي عطيب ؟
المشكلة ........ قربي يسبب مشكله !! = والمشكلة بُعدك عن الخافق صعيب !! [/POEM]

أخوكم : مشاري البرازي