الحق في سيفه على الظلم مشهـور

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]السلام عليكم ورحمه الله وبركاته
يشرفني انضمامي الى هذا الصرح الشامخ وهذه اطلالتي الاولى اتمنى ان تحوز على رضاكم

قصيده في سيدي صاحب السمو الملكي الامير سلمان بن عبدالعزيز آل سعود حفظه الله
بمناسبه مرور خمسين عام على توليه حكم اماره الرياض


سر ياقلم واكتب حروف الشعر نور = تبقى على بيض الورق في صفاهـا

نورً علـى صفحات الامجـاد منشـور = صفحـات تاريـخٍ تنــوّر سماهــا

واليوم يابحـر الشعر منت معذور = اكتب قوافي تسعد اللي قراهــا

فيها معاني كلها احسـاس وشعـور = ومزون قاف الشعر ينهـل ماهــا

تمـدح رفيع الشان زيزوم مشهـور = حـرً طويــلات المراقـب رقاهــا

سلمان راع الطيب بالجـود مذكور = فيه الشمـوخ وكـل نفسٍ عطاهــا

اميرنـا يحكــم بشـرعً ودستــور = علــى كتاب الله سنينـه قضاهــا

يعطي حقوق الناس بالعدل منصـور = عطفه على كف اليتيم ودواهــا

الحق في سيفه على الظلم مشهـور = يقطع جذور الشر واللي سقاهــا

خمسين عامـاً كلها مســك وعطـور = اهـدى رياض الخير تاجً زهاهــا

تـاجً مـن الماضي عريـقً ومخبـور = خمسة عقودً زاهيـه قـد مضاهــا

عقدين مع عقدً كما الماس منثـور = نزيـدهـا عقديـن طيـبٍ كساهــا

شيّد لنـا مجــدٍ وتاريـخ وجسـور = واعطـى حضارتنا ريـاضً بناهــا

سلمان خيـره مثل سيلٍ لـه حـدور = صوب الرياض يسيل واغرق ثراهـا

واليوم دار العـز ريضان وزهـور = فيها ورود الجود فايح شذاهــا

دارً علـى سيسـان مجــدً ومعمـور = في ظل شيخ الطيب خيره كفاهــا

هـذي حقيقـه قلتها ماتبي شــور = سلمان رمز العاصمه في بهاهــا

شيخ الكـرم جعله من الشر ماجور = يبقى على عهد الوفا في سناهـا

وصـلاة ربـي عــد ماشعشـع النور = على نبي الخلـق قـدوة هداهــا

وسلامتكم[/POEM]