الشعر النسائي

السلام عليكم ورحمة الله وبركاته
مشاركه يزيد جمالها بحضوركم

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

على وين يالشعر النسائي بعد بخّوت = ذرف من عيونه دم واختلت اوزانه
تذكرت يوم تقول (ماتستحي ياموت) = وماتت وعاش الشعر بس انكسر شانه
دعايات واعلام وبنايات من بسكوت = تهدّم مع هب الهوى قبل ودانه
تغنيه مطيوره يصفّق لها هلفوت = ياهلفوت ماللشعر بوجودكم خانه
نبي للقصيد القدر لان البيوت بيوت = على الحق والمعنى دليله وبرهانه
قضيه غلاه اصبّها فوق وجه النوت = ولاهو علشاني لا بالله علشانه
حسافه نهينه بعد ماكان شرب وقوت = ونطمس معالمه القديمات واركانه
من اول وهو في داخل صدورنا منحوت =وهالحين ليت الوقت يمنحه عرفانه
غدى كنه الغرقان ساعة يجرّ الصوت = ينادى ولا سمعوه ربعه وخلانه
غرق واحسافه وانتهى المغرق المبهوت = غمره التّبرج مخطي وسيّح الوانه
وبعد ما انهرى جسمه من الما بلعه الحوت = وهو قد طمع فالبحر لوله ومرجانه
الا ليت نصف اللي يمثله صار سكوت = سكوتٍ على منطق ولا منطقٍ هانه
والايا وجودي ليتنا قبل فوت الفوت = لحقناه حيّ وما نبي يكسب الدانه [/poem]

وسلامتكم

اختكم