آقف مكاني تقول مخدر ٍ بابره : قصيدة موجهه لي من الشاعر عايض بن شقيربن عتيق المرشدي

[align=center]هذه القصيدة موجهه لي من الشاعر عايض بن شقيربن عتيق المرشدي
[/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
يالهرس يوم انت عندك فالهوى خبره=وجربت يالهرس حلو العشق وامراره
بالله ياصاحبـي قلـي وش الدبـره=انا توهقت بـه واصـارع اخطـاره
يلعب بي الموج وانا الخوف ماعتبره=وتعبت يديني وانا اسبح ضـد تيـاره
باسباب من حطني لاهل الهوى عبره=سيطر على القلب واحكم فوقه حصاره
لا لد لي بالنظر قلبـي فقـد صبـره=والعلم ضيعـت ميـراده ومصـداره
آقف مكانـي تقـول مخـدر ٍ بابـره=اغيب وافيـق والاعصـاب منهـاره
احن وارزم وعينـي تـذرف العبـره=والجوف من عام الاول ماطفت نـاره
كني عليل ٍ هله قـد جهـزوا قبـره=يشوف موته قريب اقرب مـن زراره
العلـم يالهـرس ياكبـره وياعبـره=والراي عندك وشرواك استمع شاره
اما انك افزع ومثلك طايـل ٍ شبـره=والا القبر يابن عمـي نـاد حفـاره
[/poem]
[align=center]وهذا ردي على الشاعر عايض بن شقيرالمرشدي
[/align]
[poem=font="Simplified Arabic,5,black,bold,normal" bkcolor="white" bkimage="" border="double,10,red" type=2 line=0 align=center use=ex num="0,black"]
عايض مويق ٍ على غور العنا سبـره=وانا ليا كبرت القالـه مـن انصـاره
كل القلم في وجوبـه وانتهـا حبـره=من كثر وصفه لجور الحب واكـداره
للقلب خفقة وله والصوت الـه نبـره=منهن تعرف الغلا وتعـرف مقـداره
يابن شقير انتبـه للعضـم والهبـره=قبل السهم يستجـل القلـب وستـاره
العلـم نوعيـن يازينـه وياغـبـره=وانت ابخص الناس فيه وعندك اخباره
مانيب ناشدك عن صغره وعن كبـره=لوكان الا فكار فـي ماقلـت محتـاره
ان كان قولك بمن يخبـرك وتخبـره=على النقـا عامـر بالحـب تذكـاره
جيتك بجمع يشوق المشتقـي زبـره=شيخان اهـل نجـد بدايـه وبـذاره
نرضيه بالمال عنك ونرضي الخبـره=اللي تمثل حمـاه وتعـرف اسـراره
وليا عصا الترف مانقدر على جبـره=الحـرب ممنـوع والحكـام قهـاره[/poem]