حديث مع عمير!!

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش اللي مزعلك يا عمير والدنيا ظلال عصير=تميل وميلة ظلال العصاري من يعدلها؟!!

تريح واقضب الكرسي وزانك وان طرى لك سير= على ساق وقدم وازعل من الدنيا وزعلها

لكن ان طعت شوري قبل ترمي با الرشا فا البير= توكل يا عمير ولا توكل قبل تعقلها

واخذ مني سيجارة واستمع واسف على التعبير= انا قصدي عبارة والسيجارة ماهي اولها

بسيطه ما علينا وش نبي با العذر والتبرير= نبا نبدا الحكايةوافتح عيونك وفنجلها

حكايتنا من التاريخ والقران والتفسير= وعقل الشاعر اللي حلل افكارك وحللها

لاني غير وانته غير واللي راح اقوله غير= ابيك تركز وذاكرتك الاولى تجاهلها

تذكر سورة النمل وسليمان وحديث الطير= ونملة وصت النملات تدخل في منازلها

وعرج لي على قصة سبا وابغى النبا تقرير= يوضح وين موقعها على الارض وقبايلها

خذ التوراة واقراها خذ الانجيل ( زور الدير)= (ودير الزور) والقدس وعدن حتى تحصلها

ما ابيك تقول ( قالت جدتي عن جدها)0 يا عمير!!= انا وش لي بغلطة جدتك حتى اتحملها

علىظهرك تحمل وزرها لو كان كيل بعير= انا مالي دخل فاوزراها اللي فوق كاهلها

واذا يا عمير راسك داخ واعيا مخك التفكير=اخذ مني سيجارةوالعبارة صح واشعلها

انا بشرح لك القصة ما بين الحق والتزوير=وابسطها على قدك واوضحها وافصلها

لكن اوقف على راسك ودخن وافهم التعبير= ترى التاريخ واقف فوق راسه وانت كملها

سبأ في سورة النمل وسليمان وحديث الطير= ماهي دولة سبأ مارب وصح لسان قايلها

وذلحين احذف الكرسي وراك ولا تأخرطير= على خف وجناح ( ازعل من الدنيا وزعلها)!![/poem]