هنا النقض والفتل والحكمه والجزاله

[align=center]سلام عليكم ورحمة الله وبركاته

هذه مساجله بين عمالقه من عمالقة الشعرالنبطي وهم نجرفيصل العتيبي

وصديقه الشاعر الكبير متعب مطيع الديري الحربي

اتيت بها لماتحمل من معاني جزله وقيمه للمتذوق الحقيقي في زمن قل فيه مانسمع مثل هذه القصايد[/align]


[align=center]والبادي نجر[/align]
[poem=font="Simplified Arabic,5,royalblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

نفسي اتبعدني عن الشك وإحماه=والشك في بعض المواقف جبرها
ان خصنامكتوب الاجواد نقراه=والعوج من بعض الرجال إنهجرها
ومتعب الياشان الدهر ماتعداه=من دوحةٍ خضرا يذري شجرها
ومتعب يعرف اسلوم دينه ودنياه=ويمناه لوتسرق سريقه بترها
ابشتكيله وادفق الحوض واملاه=واختار من زين المعاني ادررها
يابوفهدياكبرهااليوم كبراه=دعواًتحزبخاطري ماقدرها
رفيقك المخلص وصل صبره اقصاه=والسالفه مهيب منك آمعبرها
رمية قفامن واحداً مارميناه=شلفاه في قلبي وهو ماشهرها
ماشفت له صوره وصوته سمعناه=وبين احروف من البيوت وقبرها
وانته معه باول كلامه إ و بتلاه=دفن ارسومً بينه واختصرها
واسئلك بلي كون البشرواحياه=عطني خبرها كان عندك خبرها
تشابهتلي مع طريقٍ عبرناه=وحطة سهيل وطلعته في نحرها
والرجل طيب والهدف ماعرفناه=والسرعنده والقفول ابظرها
يطق وينجم ويخفي خفاياه=يكوي ابناره والدمى مانثرها
انكان يقصدناسمح عنه مولاه=فيضة زعل من عاقلٍ ماقهرها
وانكان يقصدغيرناماعترضناه=نبانخل القافله في سفرها
وسلم عليه وبلغه لاعدمناه=عزيزلوعينه ورانا نظرها
و قله نجر ياخذ كتابه بيمناه=والميته مايحتفظ في صورها
وليابغى الطرقه بعيد(ن)معشاه=ولياكتشف عورات غيره سترها
والرجل ودك تنطحه قدم تقفاه=وجهٍ بوجه ولاتقصص جررها
اماعترف واركزمقامك على ماه=واشرب براسك لين يابس بحرها
ولانفا وابعدمحطك ومرساه=لاتنشده عن قصةٍمانشرها
وبليس بين الناس يشعب مطاياه=فارقته الجنه وفارق ثمرها
ناسً تعوذمن جنابه وتجفاه=وناس تقاود للخبيث ودمرها
وانته وانايابوفهدماتبعناه=الله يعدينا الجحيم وخطرها
والي على ربعه يوريك حمراه=وان شاف زلة جاهلٍ ماطمرها
هذاومثله يسعدالقلب فرقاه=جعله يطيح بحفرةٍ ماحفرها
جاك ا لصحيح وزبدة العلم عطناه=من موجزالاخبار والي حضرها
وعسى العلوم الطيبه والمفاجاه=نورٍ على نوراً يزود سفرها [/poem]




[align=center]رد ابن مطيع[/align]





[poem=font="Simplified Arabic,5,green,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نجرجحيم الشك بالشك تصلاه=تفيحت عنده وعجز يحكرها
وهوجس ونصاني كتابه وشكواه=وابرم ارشاهالين ركبت وعرها
وفيها مقابيس الفتايل معباه=وفيها صلابيخٍ تقادح شررها
وفيها اقفولٍ والمفاتيح مخفاه=وفيهاوبر ماهو مجانس وبرها
سايفبها عني وعنده مراواه=واقفا بها واقبل بها واعتبرها
ولاني بداري صاحبي نجر وش جاه=يضمرامورً ضامري ماضمرها
وانا حشا مرضا الهزيعه للشرواه=ومسؤل عن كسرالعصى من كسرها
يانجر انا حساس والميل مرضاه=لالك ولاليه وانا منك وارها
والشك واش جابه وش جاب طرياه=ومن صف ليحان الشداد وسرها
وراع الرساله صاحبي نجر مطراه=ولاجاب لنجر سيرةٍ في سيرها
والغيب في اوجيه االمساييرماقراه=ولانشر رسالة واحدٍمانشرها
ولالي لزوم ادخل يدي وسط مخباه=ولابادره في سالفه مابدرها
وطقه وتنجيمه وناره ومكواه=مايمه بيمك ولانت بدورها
شاعر واله ياطيب العرف مغزاه=ولاخطيت حتى رميته تنتظرها
وانكان ابه دعوى عليه مخفاه=يشرب عصير الحنظله من عصرها
تبيني اصف لك محله وتنصاه=وتردالعدود الي قراحٍ مطرها
ويبرا الفواد الي طنا الشك يشعاه=بنارالهجوس الموجعات وقشرها
هذا وعطتي رايك الي توراه=ولك الخيار ابوردهاوابصدرها
ولاتحط للموضوع صره وجمهاه=يانجرقمرانا جّليٍ قمرها
يانجرخل الشك لهل المحاباه=الي تولع ناره في اغترهاا
ولاتستمع لهروج فتاح الافواه=الي بتخميش الاضافر ضفرها
يشيلون ذيك وذيك تبقى مخباه=ويعمون عميان البصاير بصرها
خلك معي يامعرب الجد والجاه=ماودي الرفقه هذيك تخسرها
تراك عندي لك معزه وملجاه=وعندك خبر برهانهاوتخبرها
ومن طاوع الشيطان خله ابمسراه=عسى مطر سحبه تيبس خضرها
خله لعله هفت مقيط وارشاه=ان ساوقة مطيته وان عقرها
لاتعترض دربه ولاتتبع ارضاه=وارجم ابليس ابسبعةٍ من حجرها
وسبعه معي وارجم بهاابليس وارداه=واقرا َاية كل الجنون تحشرها
اقرا اية الكرسي على ابليس واعصاه=والنفس عن بعض الامور نعسرها
وبعت وشريت وشرت والطيب ادراه=واشوم وشيمة صاحبي ماغدرها [/poem]