&& (( أطـهـر بيوت الشـعر طبت مرابـعـنــا )) &&

كل عام والجميع بخير



[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بعض التحاليل عندي مالها معنى "=" ياللي تحلل قصايدنا ومعناها

ماكل كلمه تجي تدخل مسامعنا "=" كم كلمة ٍ جات ماكنا سمعناها

نرفى من الزله ونبعد مطامعنا "=" ولا نقرب الشاويه واللي في مثناها

الطيب والجود مرجعنا وموقعنا "=" وأنقدر اهل الوفا من طيب مجناها

معروف موقع منازلنا وشارعـنا "=" يوم الردي لا تعداها تـعـداها

أكبر من طويق تطويرة مشارعـنا "=" وأبعد من الجدي لامنا هقيناها

والسوق يرقى بأسم أغلى بضايعنا "=" علية بصمة تواريخي ومغزاها

أنعلّم اللي من البارح يتابـعنا "=" (( أنّا من اثقل جبال الأرض وأقواها ))

الطيب منبع لنا وأشهر طبايعنا "=" فرسان فوق الأصايل لاركبناها

أنموت ونحيا ولا تنزل مدامعنا "=" مسكين من يتبع اللذه وخاواها

وصية العود .. واللي مايطالعنا "=" من أمس كحّل عيون القوم وأعماها

أطـهـر بيـوت الشعر طبت مرابعنا "=" وأصعب طروق القوافي قد طرقناها

اليا دخلنا مجال الشعر واودعنا "=" تاقف بحور القوافي لادعيناها

انومس اربوعنا حظرة جمايعنا "=" وناخذ سنام البطوله وأنتعشاها

ومسابقات الشعر ماهيب تخدعنا "=" الليا وطينالها والا خذيناها

تنبت ورود المشاعر في مزارعنا "=" ونرض جماهيرنا لامن كسيناها

واللي يبي بعدنا واللي يقاطعنا "=" جعله مهف الرياح اللي تقفاها

وأعيد ماقلت فأول بيت فالمعنا "=" ياللي تحلل قصايدنا ومعناها

ماكل كلمه تجي تدخل مسامعنا "=" كم كلمة ٍ جات ماكنا سمعناها[/poem]وسلامتكم