يا هاتفي من نقلك اليوم مليت

السلام عليكم ورحمة الله وبركاته
جديدة كتبت قبل ساعات امل ان تحوز على رضاكم

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهاتفي من نقلك اليوم مليت=ثقلت مخباتي بليا فوايد
عز الله اني يوم سددتك اخطيت=الفود مامن فود والصرف زايد
سقت الدراهم لاجل مشراك وارهيت=ماقلت سوق المال لشراك كايد
وشريت ذاكرتن كبيرة وحطيت= فيها الرسايل والصور والقصايد
مع شاحن الموتر ومع شاحن البيت=وكملت مطلوبك بليا زهايد
ولك وقت ماحللت صرفك ورنيت= وفرقت عن كبد الحزين اللهايد
صمتك يشتت شرد الافكار تشتيت=ويضيق به خاطر وسيع البنايد
ياما وانا بين الاوادم تحريت=رقم الحبيب اللي له القلب حايد
وياما وانا في غرقة النوم فزيت=وياما جفيت النوم فوق الوسايد
اناظر الشاشة واجر التناهيت= متذكر يوم اتصاله يعايد
العام من قلبه تمكنت وارهيت=وهذي مراسيله لحبه شهايد
الى اتصل رحبت به واسفهليت=واهديت له من نظم شعري قلايد
واليوم هجره عذب الحال وابطيت=ابطيت ماجاني علوم ن جدايد
مدري وش اللي مزعله ؟ ويش سويت؟=مانيب خابر له بهجري عوايد
ياللي تجونه قول اني تعنيت=وقولو له ايامي بدونه شدايد
وقولو له انك فابن راكان ما اقديت=يومك ترد له البراير مكايد[/poem]