مــــــات معاويه

[align=center]بسم الله الرحمن الرحيم

الاخوان في المرقــــاب اتمنى ان اصل اليكم...

السلام عليكم ورحمة الله وبركاته[/align]

[poem=font="Simplified Arabic,7,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كل ماهزيت جفني طاح بيت=ولجَت الونه بوزن وقافيه
مرَت الكنّه بصدري واستويت=وجيت ساري والهواجس ضاميه
فوق كتفي عود في راسه لويت=عقدتين الصبر وزاد الهاويه
وين انوخ ياعزومي للمبيت=والفيافي بالذيابه عاويه
لاسكت ولاجفلت ولا رميت=حسبتين وملت يم الوافيه
سقتها للنور وبطيبي نويت=ولادريت الا حتوفي ضاويه
وشالها كتفي ولاكني دريت=وعاشت الشعره ومات معاويه
وثن إلي الفنجال ياقافي قويت=وهاك مني علم وكون الراويه
وقل لهم اني من غروسي سقيت=الضما والجدب ويبس الساقيه
وقل لهم اني مطر من وين جيت=وان لمع لي برق عندي الكافيه
تستريح الريح لامني نويت=انثر ورودي واعل الصافيه
الزلال الحلم ولاغيره ضميت=ولو بحور الشهد مني دانيه
الهوى سلطان وفي ظله ربيت=وشمس كوني عن وجودي غاويه
مادرت اني على المعنى ضويت=وعاشت الشعره ومات معاويه[/poem]