ماكل كبوه في الزمن كبوة أحصـان؟؟؟

[align=center]المجلس الديكور من دون ضيفـان
ياجعـل راعيـه يـبـدل بغـيـره
يزهاه ضرسٍ في المواقف كحيلااان
يزيد عزمه في الظـروف الكبيـره
ماينثنـي للعسـر لاجـاه ضيفـان
يضحك أحجاجه للظروف الكسيـره
من طيب راسه ينحرج كـل ديـان
فعل ومراجل قدر منطـق وسيـره
عون الضعيف وموقفه ينهي أحزان
مالد عينه صوب حرمـة قصيـره
ذكره سفيره عند ذربيـن الآيمـان
ماهـزه الواقـع بشـره وخـيـره
درس السنين العوج واضح ومجان
ويش الرجل من دون عز وبصيره
تواضع الرجال مـن دون نقصـان
خلا ثقيل النفس يعـرف مصيـره
الكلمه اللي دون منطـق ونيشـان
أن مالقت عاقـل تفـرق عشيـره
ماكل كبوه في الزمن كبوة أحصـان
أحيـان كبـوات الليالـي خطيـره
لولا الصبر ماحطم العـزم الادمـان
ولولا الثقـه ماهانـت المستديـره
لولا الحزن كان الوصل في خبر كان
الحزن يستوعّـب جمـوعٍ غفيـره
لولا العتب ماشقت خـوه وخـلان
أقسا عتب في الوجه يطفي السعيره
لولا الأمل ماعاند الواقـع أنسـان
وخلا التجارب تنسف بكـل حيـره
لولا العطا كان انتصر كل شيطـان
ربا العداوه في النفـوس الفقيـره
لولا التسامح ماندم شخص غلطـان
وصحا ضميره واستباح السريـره
ماكل سيفٍ في اللقا مثـل شامـان
بعض السيوف يموت داخل جفيـره
والخوّه اللي تنتهي عنـد نسـوان
لاخيـر فيهـا ياالعقـول الصغيـره
وخبزة كرامه تنقسم بين الأخـوان
عندي تساوي نفط شبـه الجزيـره





سالم وغااااااااانم
وصح لسااااااااانك
عدد مافيها من جماااااال




حاولت اقتبس لو بيت واحد
وجدت نفسي وذائقتي
ظالمه لبعض البيوت ..



من أول بيت لآخر بيت
تســــــــــــرق الألباب



لله دركـــــــــ
لله دركـــــــــ




دمت مبدع
وفي حفظ الرحمن ..











***********[/align]