الخالق الناطق 00 ردي علي قصيدة غازي القصيبي

[align=center]

بسم الله الرحمن الرحيم

السلام عليكم ورحمة الله وبركاته 00
انتشرت هذه الايام قصيده باللغه الفصحى تمتدح ما قام به الصحفي منتظر الزيدي تحت عنوان
اسطورة الحذاءوهي
منسوبه للدكتور الشاعر غازي القصيبي 00وبكل صدق القصيده اعجبتني جدا
ولكن تفاجأت ان الدكتور غازي نفى ان هذه القصيده له هذا اليوم
وعندها قلت هذه القصيده مخاطبا شاعر القصيده الحقيقي ارجو ان تتسع ذائقتكم اخواني لقبولها
وهي بعنوان 0000 الخالق الناطق


ِ[/align]



[poem=font="Tahoma,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الخالق الناطق 00 وهذا ولد ذاك = الوجه نفس الوجه 00والدم دمه
ياطفل قلي ؟ واعترف؟ منهو اباك ؟= والا ترانا ننسب الطفل لامــه
ماحلاك00 في ديرة هل الشعر ماحلاك = هذا يناغي الطفل 00 وهذا يزمه
مثل القمر لا مد نوره لشباك = بعثر ظلام البيت كله ولمه
ياقبلة الله 00 والحلايا حلاياك = لكن عيبه ضاع خاله وعمه
يلعب هنا وهناك 00 ويروح لهناك = ويمسح دموع العين باطراف كمه
والورد بالبستان ما بين الاشواك = مار النحل ما يحسب حساب فمه
ياجار لا تسقي ثمر جار من ماك = خايف ينادي جارة الحسن يمه
مامداك تنسى غزوة العام ما مداك = وما يرتقي مكسور الاقدام قمه
يالطيب الغالي علامك ؟ ووش جاك؟ = تمدح لنا الريحان وترجع تذمه
شاعر وعندي ذوق واحساس وادراك = ماكل معنى يعترض لي اخمه
وشلون اغطي الشمس في منخل اسلاك ؟ = واللي ركب فوق الخطر وش يهمه ؟
خبير بالبصمات ودورات الافلاك = وما رد على بير ٍ ( ن ) طوى البين جمه
مسكين يالضامي ليا صار شرواك = تخبر سراب القيض وتروح يمه
وشلون ترجي من حجر جامد احراك = يا أمة العربان 00 مانتيب امــــــه
يا منتظر فجرت الاشعار بحذاك = سوت لنا اللي ما تسويه قمه
ودام الصعوط ادواك لا تكره ادواك = لازم تصعط به ولا زم تشمه
وسلامة نواظركم[/poem]