كله من خالد السيحاني

السلام عليكم جميع

خالد السيحاني جزاه الله خير وياك يحدحدني من اليوم على المواهب وانا على طريف

المهم تقبلوها على الكيبورد واعذرونا:


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياخالد طلبت وطلبتك تاج فوق الراس = طرقت البحر والعب بلحنه وقيفانه

:
ترا الشعر وهبه والمشاعر هوى واحساس = يعبرّبه الشاعر من القلب بلسانه

:

لياحدته الايام ثم دقه الهوجاس = وحرّك حروفٍ بالتناهيت مليانه

:
خذاله مكانٍ منعزل عن جموع الناس = تقول ان علاقاته مع الناس خربانه

:
وهو والله انه مبتلي والفكر منحاس = لعّبه زمانه لعبتن ماله خانه

:
من الضيق شال الضيق كله ولحقه باس = صبر والفرج من وقت مافك بيبانه

:
صحيح المحبه تذبح العاشق الحسّاس =لاقام يتوجّد من خفوقه ووجدانه

:
من البعد ذاق الضيم والهم والوسواس = يوسوس وهو باول شبابه بخلانه

:
بعد ماطوى صفحه غرامه كما القرطاس = حصل ماحصل والحب ياصعب نسيانه

:
وقام تذّكر طاري الحب والنسناس = يهيّض معاليقٍ من الشوق عطشانه
:


ياخالد طلبت وطلبتك تاج فوق الراس = طرقت البحر والعب بلحنه وقيفانه[/poem]




وسلامتكم جميع وسامحونا على تواضعها