( ( كأس العالم ) )

كل عام وأنتم بخير



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
لوّحت بالمعصم اللي مثل كأس العالم=والذراع اللي تقول من الذهب مصنوعي
وسلّمت بالكف جعله من نظرهم سالم=والذهب من روؤس اصابعها لرأس الكوعي
مايضويها عليك من الحظوظ الثالم=ودخلك المحدود والاّ الراتب المقطوعي
ول ياهذا الزمان اللي بحكمه ظالم= يرفع الواطي سماء وينزل المرفوعي
ناس تعمل بالغلط ومن الغلط ما تآلم =ماش شيٍ صح قلها والحيا منزوعي
وآهني اللي تشوفه فالحياه مسالم=وين ماقالوا توجه جاك يمشي طوعي
كل ماقال أنت وينك قال عندك والم = كلها عنده سوى الممنوع والمتبوعي
كل شي امامنا مجهول والله عالم=يكمل المشروع والاّ ماكمل مشروعي
نوب ماعندي شكوك ونوب كأني حالم=ونوب في بحر الخيال اسجّ عن موضوعي[/poem]