لقاك الاخير

السلام عليكم ورحمة الله وبركاته

مشاركه للتواصل معكم ومع المرقاب

اسمحو لها بالمرور ,, ودمتم

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال اعذب الشّعر قلت اصدق من اصدق شقاي =لو ما نِقله الفضاء ولا جذبه الاثير
اتعبني اسقيه فكر ولا اجني الا ضماي = واليا انشدوني يعوّد سرّ والصّدر بير
احتاج له في بعض همّي ونقلة خُطاي = واليا بغيت اقلعه منّي حفرت الضمير
مانيب معطيه وجهي ,,, لاجل اميّز جفاي = وانقاد له قبل يسحبني بسلك الحرير
ما احفظْه حفظ الكتاب ولا ارسمَه في سماي = ينبت ولا يذبل الا في عيون الضرير
مالي سوى مأربٍ واحد بمسكة عصاي = افصل بها بين حلمي وانكساري واسير
لكنْ مادامك جعلته مطلبك في لقاي = احبس دموعك وجبها في لقاك الاخير
ياصاحبي لا تظنّ الحزن نغمات ناي = شويّ تنزل على غصن الشّعور وتطير
الحزن شيٍٍّ عجزت ارمي حضوره وراي = طالت معه وقفتي ولا بدا له خشير
اغربه فقد الصداقه في نفوس اصدقاي = واقساه ما ينكتب في بيت شعرٍِ قصير
لا تزعل ان قلت لك بدري ... لا تبحث خفاي = اخذ الطّليق من احاسيسي وخلّ الاسير
لكنّ خلّ السوالف من طموحك وجاي = القاف في حضرة الورد يتفس عبير
يمكن يجي يوم والقى في حديثك عزاي = وآقول لا زالت الدنيا بوصلك بخير
وقدّام تكبر بعيني لين تملك غلاي = احذّرك لا تطيح ان صرت بُكره كبير
ما صار لي قدره أوقّف بقمّة عناي = واطيّر اسما الاحبه في هبوب الزّفير
كم لي وهذي مقاديري وهذا وفاي = وكم غاليٍ قلت ليته طاح يومه صغير [/poem]