ياراقي الذوق

بسم الله الرحمن الرحيم

السلام عليكم ورحمة الله وبركاته

تقبلوها مني والمعذره على القصور .


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياراقي الذوق لا تعتب ولا تشره=مادام رجلي على الجمره مواطيها
الله يسلّم قدم رجلك من الجمره=وتعيش مبسوط بأولها وتاليها
ياصاحبي ما هقيتك تشرب الخمره=مشهور بالطيب وفروضك تصليها
محشوم يالصاحب اللي غالي قدره=يسوى الملايين واللي يعتزي فيها
الدله اللي نحرت العام من عبره =ريحة فناجيلها من كيف راعيها
الله يسامحك ما مديت لي التمره=خليتني انتظر مدتك واحريها
مهما جرى منك قلبي ما نفذ صبره=بادمح واسامح ونفسي ما بعزيها
سريت ليل ظلامه حالك الغدره=ماهيب من عادتك رجلك تسريها
تدري وانا ادري ويدري صافي الفكره=ان الليالي تشابه في أساميها
اللي سرى في ظلام الليل يا حسره=تاهت به اقدام رجله في مساريها
لا بان وضح النهار وراحت السكره=عود على جرته يمحي مواريها
عزاه ماهو لحاله والخبر بكره=يقراه من يجهل القصه ويرويها
ياللي على البال كيف الحال ياعمره=ياعمره اصبر على حاله وداريها
شفت الهنوف الكسيره ترمي النظره=نظراتها لي وانا ماني حواليها
يا ليت ابوها يداويها من الكسره=قبل يجيها النصيب ويحزن آبيها[/poem]

وسلامة روسكم