سوالف بكااااااش ..

أنا جايكم بعد غيبه ...ومعي ساااااالفه وقصيده ...
هذا سلمكم الله واحد يقال له ((البكّاش )""""كذا مسمي نفسه ...
ومن اللي يحبون يلفلفون بالسياره كثير ,,,تلقاه في ذا الشواارع محدّر ومسنّد
ماعنده لاشغله ولامشغله ,,,(الا بعض الحبش اللي يشويه للمصطافين من العصر الى العشااااء)
المهم وهو في جوله من جولاته المكوكيه ((طب في تفتيش ) ...ياساتر ...

سأله رجل الأمن :وين هويتك ؟؟
قال:ماعندي
قال :هات أي اثبااااات
قال :ماعندي ..
قال له :وين تعمل ؟
قال :أشوي حبش ....في مدخل منتزه الردف (على اليمين )
طبعاً عارفين مصيره (الحجز )........
دخل أخونا البكاش الحبس ,,وأخذله ركن بعيد غيرهاااادي ..وبدأ يدندن بقصيده كانت السبب في خروجه من ورطته ....
وفي اليوم التاااالي طلب من الحارس يوصله للضابط ...ليلقي بين يديه هذه العصمااااااااااء ...يقول البكاش ...
ياسلام الله عليكم عدد حب الحبش ......سيدي هذي قصيده لذيذه ضاحكه
قالهااللي كل ماهوّد الليل انتعش ......وجر طاروق القصايدوجاب مشاركه
ممكن أعرّف بنفسي بلازور وغشش.....دامت أفياش القصيده براسي شابكه
(اسمي ):البكاش وأموت وأحيا فالبكش ...بالمدينه عيشتي وبدوي الماركه
(والعمر )قدام عشرين عام أربع طعش ....والليالي نوب شينه ونوب مباركه
(مهنتي )جمع السعاده وتوزيع الطفش ....دابكن بالوقت والناس مثلي دااابكه
ماحملت الهم دايم مخلّيها (شلش ).......وأحمد المولى دروبي بعيني سالكه

هنا فقط أعلن اطلاق سراااااااااحه .....حلوه ...موووو

أخوكم/مستور الذويبي