بطاقة سوا

السلام عليكم ورحمة الله وبركاته
والله يمسيكم بالخير جميع

إليكم هذا النص ... آمل أن يحوز على رضاكم


[poem=font="Times New Roman,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامراسل افكارنا داوم على فترتين=ترى العمل مايكلّف والطريق استوى
هذب كلامك وتلقا للكلام الثمين=نخبه من الناس والراوى على ماروى
يبين مخزون فكره والحقايق تبين=ماكل دكتور عنده للمشقّى دوى
حقيقةٍ ثابته والكلمه بكلمتين=وان قيل وضح كلامك قلت مالك لوى
نعمه من الله اليا حصلتو الاسودين=يقوله اللي من احداث الليال انكوى
اما رقينا الجبل والا ضربنا البطين=عد الروى لو يطول الهرج عد الروى
لوعقرب البوصله تشر يسار ويمين=اهل عيون الجوى تبغى عيون الجوى
كلٍ بداره مولَع من قديم السنين=لوكل ذيبٍ على راس الطويله عوى
العلم والتجربه للرجل حرزن مكين=والذيب يقضي لزومه لو يبات القوى
مافيه وحـده مـن الثنتيـن والله يعيـن=دور (علاج) الخوى ياللي ذبحك الخوى
ترى هدير الجمال الصهب عوّد حنين=والتمر سرق احسنه ما باقي الا النوى
وامورنا طيبه نضحك ومستانسين=وثر المشاكل تجينا مع بطاقة سوى
انحسّب الاربعميه والشروط (اربعيـن)=مدرى وش اقول والعله على مستـوى
مار اصوك الراس قلبه من زمانه حزين=غزاه وقت الشقى والهم لين انطوى
هذا ختام القصيده والكلام اليقين=حبل المعاني على حبل العلوم التوى
الديره مربعه والعالم مربعين=ربيع بين السما والارض يعنى هوى[/poem]

وسلمتوا