أناديك بجروح الغلا ليه مارديت = علامك على مغليك صكيت بيبانك

[poem=font="Arial,5,purple,normal,normal" bkcolor="transparent" bkimage="" border="double,3,silver" type=1 line=1 align=center use=ex num="0,black"]
أناديك بجروح الغلا ليه مارديت = علامك على مغليك صكيت بيبانك

تلفت وعذرك يوم ناديت لك ما أوحيت = وأنا من غلاك وحشمتك جيت حيانك

تعنيت لك ما أقفيت عنك ولا صديت = جذبني غلاك وحطني داخل أوطانك

علشان تدري يوم صديت وش سويت = تحسب إن صدك سهل ياكاحل أعيانك

تغيب وتقول إنك على شوفتي حنيت = وقلبك على وصل المحبين ماعانك

وتكلمت بأسلوب ٍ يصحي الضمير الميت = وتعبيرك الفتان بالعون ما خانك

وسحرت المشقى بكلمة منك لين أحييت = منابيع زينات القصايد على شانك

وأنا يوم أمني الروح يمك عنيت وجيت = ومن الصبر هجيت الركايب لهجرانك

وبقى لي سؤال وليت تلقى جوابه ليت = علامك على مغليك صكيت بيبانك [/poem]