قصيدة ابن هريس .. وردي

السلام عليكم ورحمة الله وبركاته

شرفني اخوي الشاعر صالح بن هريس العصيمي بارسال هذه القصيده لي :

والحقيقه ان صالح من اعز الناس عندي وانه من المعارف اللي تشرفت بهم من خلال هذا المنتدى العامر اللي يجمع كل علم ٍ غانم ومعرفة طيب ...


[align=center]اليكم قصيدة

صالح بن هريس [/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
راكب اللي مابعد قد دق .. سلفه = ولابعد دارت على القاع .. اكفراته

اطخم ٍ .. ماجاء بعانيه وسلفه = ولامن احسان الوليد .. ومكرماته

من حلال المال .. جات الفه على الفه = ومن عرق راعيه .. وصمادة حياته

كلفته .. ماتعتبرها الناس كلفه = عوضتهم فيه طيب .. مميزاته

ياباني الصنع .. من قدمه وخلفه = الشعار .. اللي تنومس منتجاته

جكس ٍ .. مطور عليه الروح تلفه = صمم لقطع الفيافي .. والخراته

بينه وبين النشاما .. حب والفه = شدهم شكله .. وشافوا منجزاته

منوة اللي لاطرا فالبال .. ولفه = ما احترى فيه النصيحة .. والشماته

ومنوة اللي له .. مية بكره وخلفه = من بنات .. اطيب فحوله وامهاته

شغله .. واليا احتمى زيته وبلفه = درجه .. كنه حشيم ٍ في عباته

وانص به رجل ٍ يبا يلزمك حلفه = للعشاء والقرم ياكثر .. عشياته

ذاك ابن راشد .. ولد من حد شلفه = يومها .. بالتضحيه والاستماته

جا على جده .. وروحه جات صلفه = ماش علم ٍ من علوم الطيب .. فاته

قله .. ان مالاحقه فالوصل كلفه = مارجينا وصله .. الا من غلاته[/poem]

[align=center]وسلامتكم

وهذا ردي [/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مرحبا ترحيبة ٍ ماهيب .. زلفه = سلم ثابت .. مانخلي موجباته

عد صداق المطر .. دلفه ودلفه = لاتناشاا .. وارتدم باربع جهاته

بارقه حط السماء .. شلفه وشلفه = ماتفرق غير عن .. باذر نباته

القصيد الجزل .. من ياءه الى الفه = والله انه .. لذة العلم وطراته

ياهجوس الشعر .. والوقفات جلفه = هات ماتطرب له الاسماع .. هاته

التعب في مايفيد .. الله يخلفه = واخسر اللي مايقوم .. بواجباته

يانديب الخير .. لو الدرب ذلفه = وارد الالمان ماوّرد .. سواته

طوره هتلر .. لحاشيته وحلفه = يوم شاف الحرب .. دايرتن رحاته

من سطر راسه ومن جوره .. وبلفه = حط دم اعداه .. زيت محركاته

مايلاعب طارته .. فالخط خلفه = في مساريه الطوال .. وفي ثباته

الظبي مع ساقته .. يندق ظلفه = والجمل .. تابس على لحيه لهاته

عــوّد لصالح على المرسدس .. والفه = في محل الجود .. زاد الله غناته

جعل يفداه البخيل .. وكل هلفه = النبيه .. اللي تشوق مفرداته

عد له طرق الكلام .. آته و آلفه = طاب عرفه .. والغلا من طيب ذاته [/poem]
[align=center]وسلامتكم[/align]