من هنا .. بدا العنا ..

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يوم كلن مع مجاليسه وانا مجلاسي = منفرد, والليل لوحه, والكواكب رسمه
اسرق الخطوه , عسى ماينتبه حراسي = واتظاهر بالقناعه , والرضا بالقسمه
وانا لو بس فتحوا في غفلتي كراسي = شافوا لوحات الشقا في صفحته مرتسمه
جيت اباشرب لي هوا ابرد به لهيب انفاسي = واحتمى من زفرة انفاسي براد النسمه
في محل ٍ جيت له فض وكسر نوماسي = كلما جيت اتعزوى قمت اصوت باسمه
بين وديان الظنون وبين فيضة ياسي = تحت زخات الهوى اللي في بوادر وسمه
من هنا , بدا العنا , ثم اختلف مقياسي = صرت اشوف الموت الاحمر طفلة ٍ مبتسمه
وارجع لفكري , واثر فكري شريك احساسي = اطلبه دام المشاعر بيننا مقتسمه
كل ماشفت الجهامه مقبله ياراسي = لاتحسبنها غيوم وتفرد الها البسمه
لاتفائل يابيض النيه يلين القاسي = ولاتحسب الداب طبعه في ليونة جسمه
والزمان اللي حباله خلخلن اضراسي = كل شوط ٍ من حياتي في يدينه حسمه
لو عطاني ماعطاني , ماعطاني ناسي = والله اني ما آمنه وانا بوجهي وسمه
هذا هو يمد لي كفه وهو متواسي = مدة ٍ ماهي قليل , ان قلت دسمه دسمه
آه ياشعري لو ادري باي شطٍ راسي = والا هل للحوت الأزرق بالنهايه قسمه [/poem]