دبووور>>>><<<<

[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الشعر اله حزه لياحانت من احساس وشعور= يكتب بها الشاعر وش اللي في ضميره يشعره
والشاعر اللي مع بيوت الشعر دمه مايفور= لايشغل العالم بمنطوقه وصمته يستره
والهرج اله زبده تهم المستمع والعلم نور=والحلم غير العلم يبغى له خبير يفسره
والحمد لله شاعر احضر لادعى الموقف حضور=ثوبي على جسمي واذا غنيت بالصوت اجهره
ارقى على متن الهوى واغوص غبات البحور= والكذب والله ما اذكره والصدق والله ما اذخره
اصرف ذهب واحيان اصب السم من بين السطور= والبوم اميز جحرها والحر اميز ماكره
عندي عباريد القصيد اللي يسدن النحور=واللي شكرني ما اجحده واللي جحدني ما اشكره
والوقت يظهر ما اختفى والصبر فواح القدور=والشجره اللي ماتحتها ظل ماهيب شجره
دارت بنا الايام والدنيا دبورٍ في دبور=راحت مساعينا مع ادراج الهبايب مدبره
والباب مقفل والطريق المعتبر صار مهجور=والخير ما احد يقدّره والشر مااحدٍ ينكره
والثور لو ينطح نقول الثور يالعّراف ثور=وش عرّف الثور البهيمه عن مكانة عنتره
من لا يشيرك لا تقدم له ليا قابلك شور=ومن لا يقدر منزلك عيبٍ عليك تقدره
ومن يحقرك خله فعينك طول الايام محقور=حقه عليك اليا حقرك تهمشه وتحقره
النفس عافت والسراير ماتبيح من الصدور= لو العرب تغدي حريق ... العفو عند المقدره[/poem]



والسلام عليكم,,,,,