المـقاضي !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إستوو . والنافلـه غير الفريضـه = القريحه واضيه والفكـر واضـي
وش عليكم من حظيـظ ومن حظيـظه = المواهب مالها عمر إفتـراضي
ماكشف زيف الكلام الاّ نقيضـه = يوم راحت فايحه روح الرياضي
أثر نفس الملتمس دايم مريضـه = تجلبـه زعلان وتودّيـه راضي !
عاف قرض الشعر بعْد أدمن قريضه = وأمتعض من يوم سجّلت إمتعاضي
مادرى إني في معيض آشوف عيضه = قبل أزعـّل بالقصيد وقبل أراضـي
كيف أبا آقـدّم على الحاكم عريضه = وحارس القصر الرياسي صار قاضي!
الدراسه يامحمـد مستفيــضه = لكن اللي يدرس الموضوع فاضي
والرفيق اللي نجاحاتـي تغيـضه = رفقته نقطة سـوادً في بياضي
ياعذاب الراس من الأمعا الغليظـه = وياوجودي يا إرتفاعي وإنخفاضي
أنتهت بي دون رجم وبعد فيضه = والله الله يارجـومي يافيـاضي
والله الله يا شتا وقتي وقيضه = والله الله يالصقيلات المـواضي
العـزوم متان والهقوه غضيـضه = في مجالات التزاعل والتـراضي
إسمي وعنواني ورقم الحفيظه = فوق توقيعي على خطاب إعتراضي
ما علي من قوطي وقوطه وبيـضه = مابعد سجـّلتها ضمن المقاضي !
هاجسي لا جاب لي غيضه وهيضه = قلت كتم الغيض من باب التغاضي
والسواليف الطـويله والعريـضه = حدت الحافي على الحُمْر اللواظي
غمّض وغمـّض وقالو له غميضه = والمضارع مات وأصبح فعل ماضي
فعل ماضي وأنتهت سوده وبيضه = ما هو مسبـب جلوسي وإنتهاضي
يالسماوات أقلعـي والما مفيضـه = ضاق به هيّا إبلعي الما يالأراضـي [/poem]