((( قـــــــصيده بلا ذمه))))

[poem=font="Simplified Arabic,5,white,bold,italic" bkcolor="transparent" bkimage="backgrounds/10.gif" border="groove,4,gray" type=2 line=0 align=center use=ex num="0,black"]
وش فيك متظايق على وجهك من الدنيا هموم= مدري يليق ابك البقاء والا يليق ابك الرحـــــيل


تبي وسيله تصبح ابها نجم من بين النجوم= ياخـــي بسيطه لاتحط امن الهموم ولا تشيل


منته تشوف الناس تجري لادفاع ولاهجوم= اهم شي ايكون صوتك حلو والسانك طويل


دور على رجال مصلحجي وبالذمه خدوم= امن القناه الى الجريده يصنع الك المستحيل


يهيكلك ويزيفـــــــــــك ويفصل الك احلى هدوم= وتســــــير وش هذا الولد؟ مالك شبيه ولا مثيل


لاترضي العاقل ولا لك في سواليفه لزوم= العـــــــــــاقل امن الوقت هذا مايحصل له حصيل


واليا حضرت الحفله اللي تنتظرها كل يوم= اخـــــــــــــذ معك بشكه توصيهم ما يغوون الدليل


يصفقون يصيحون يشجعونك قــــــوم قـــــــوم= وانتــــه تــــعرف انك ما تملك لاكــــــثير ولا قليل


ويقلون للجمهور نبغاء جدوله من يعرفه وين معزوم؟=ماكـــــن سمرتكــــم سوى فالاســـتراحه كل ليل


واهم شي اتضبط اعلاقتك مع شاعر ظــــلوم= يــمدحك عند الناس ويسب الاصيل ابن الاصيل


والا اخذ من ربعك ثلاثه واربعه حسب الســـلوم= وانص اكبر الشعار يـــكتب عنك مستقبل
جليل

هنا يموت الشعــــــــر وتعيش انت وافراحك تدوم= وتسير حسب المتبع من هيكــل الوزن الثقيل[/poem]