أطـفال القـصيـم !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أيها الساده الكـرام = أيها القسم الكـريم
مرحبا مدري سـلام = بين رحـّال ومقيم
الوصيـّه للرحـام = والوصايه لليتيـم
والطريق إليا أستقام = سق وخطك مستقيم
المهم عندي كلام = سن سين وناب جيم !
إسمها نقطة نظـام = . نون ظاء وألْف ميم
في الحسا مالي مرام = ونجد مالي فيه ريم
وآتقــدّم بإنتظـام = وألعن إبليس الرجيم
عج وغبار وعسام = ويش ذا الصبح البهيم!
قلت قم وأربط حزام = وإمش وإفهم يافهيـم
يا ولد وش ذا الزحام = بالبريمي والفطيـم
إبترام أي إبترام = بأم لزقه وأم سيــم
والتريـلات القـدام = وذي ديـنـّات الغنيم
ربّ ياربّ الأنام = أستر أستر يالرحيم
رغت من راعي السنام = وطحت في سايق غشيم
حدّ هدّ أمسك قوام =و ترس قام وترس نيم
وأحمد الله في الختام = لا غـرام ولا غـريم
لا إنقلاب ولا إصطدام = ولا عتـلّ ولا زنيـم !
بعدها الممشى شمام = لا يعقب السيل ديـم
شام يالـوانيت شام = والوعد قبل العتيـم
ما على أشناب الحشام = زود والطارف زعيم
ليتنـي رايح جـهام = وأجهل الهيلا علـيم
أو لمـروين الحسام = ترثة الشايـب مضيم
كان حصـّلت إهتمام = وفـزةًَ تحيي الهشيم
ما أبتلشت بجون سـام = هاي وت إز يور نيم
جات نقـمه وإنتقـام = وإختبار وكسـر تيـم
دُر ورى وأنقز أمام = وعدد أصحاب الرقيم
وإعتبر هذا التمام = يا كـريم ويا لئيـم
لكن آهم المهام = كنـّها البحـر الطميم
إفترش ريش النعام = وإلتحف بـرطم شريم
يوم بعنا النفـط خام = جات فعلاً في الصميم
ويوم قـدّمنا المـدام = الحسن حبّ الذميم
قمـّة الحب الهيام = وأي هايم لو يتيـم !
وسوس وجاه إنفصام = ليت مثله مايهيـم
والمصيبه كل عام = ينشد إش معنى السديم
لو تصـدّرها حيام = وأنت ورّادً محـيم
قلت يالترمـيز نام = والسبب ماهـو قـديم
ها إستلم والقدح قـام = نهجه النهـج القـويم
القناه أم الخطـام = راكبه فوق الظليم
والقناه أم الوشام = مادرو عنـها الحريم!
غنوه ودبك الشوام = دردمت شلـّة دريـم
خلت عيـال الخيام = يلحسـون الإسكريـم
والفضا جاب الزكام = والنتيجه سيم سيم
شاعر ومسرح رخام = وإنقـطع يا مستـديم
ذاك عـداه الملام = وذيـه تفكيره عقـيم !
مـدح عمـّات وعمـام = وأكل نـَهْم وشرب هيم
غيـّمو فـوق الغمـام = سبـّة الصـوت الرخيـم
وإلحمـوهـا باللحـام = وإدهنـوها بالكـريـم !
ونفــّذو كل إلتـزام = وإتقو شـر الحليم
ما نفع هاشم هشام = أكلت الحمـّا الحميم
والمذيع أعطى الـدوام = طاقة الجسم السليم
مكسبه كـرت ووسـام = تفتـح أبواب الجحيم
أوفّ لو صلى وصـام = كان عالج كل ضيم
وراح للبيت الحـرام = وقال سبحان العظيم
علـّمه باب السـلام = وين زمزم والحطيم
وعلـّمه وين المقام = وأهتدى بأمر الحكيم
والمؤذن يوم أقام = قام للخـطب للجسيم
وأمـّهم نعـم الإمام = وإسمه سعود الشريم
يا جلوس ويا قيـام = كل من يـّـذن يقيم
والصلاه أهمّ هـام = تفتح أبواب النعيم
بس خفـّاش الظلام = عقله وجسمه سقـيم
اللحـم فوق العظـام = والهدف روضة خريم
هدّ روعك يا عصـام = الصريم إيـه الصـريم !
دوختك أم اللثــام = ونـوّخك كمّ النـديــم !
شين وتحبّ الخصام = مير دوّر لك خصيـم
كانت علومك تمـام = قبل تمتامـة تمـيم
تمتم وصـحّى النيـام = والنهـايه يا وسـيم
صعب أبادلك إحـترام = رح ترى مانت العديم
مرمس علومك عـدام = كان جـوّك فيه غـيم
من زمن عـادك غـلام = ترقب أطفال القصيم
أرضعتك أم الحـمام = وأكــّلك خال النسـيم ![/poem]