بقايا الهم .. ( جديد )

إخواني الكرام شعراء وشاعرات المرقاب

السلام عليكم ورحمة الله وبركاته , وبعد :

أعود إليكم بهذه القصيدة الجديدة , والتي أرجو أن تعجبكم وتنال رضاكم واستحسانكم




بقايا الهم



[poem=font="Tahoma,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على هامش صباحاتي يعيش الليل والآهات = يذكرني شقا أمسي يذكرني بآهاتي
انادي له من أفراحي أقول ارحل بلا جيات = نسيتك ما أبي ترجع تذكرني بداياتي
رجاءً روح في حالك انا موعد ظلامي فات = أنا أصبحت شي ثاني أنا في خير حالاتي
وشفته يمسك شماغه بيده يكتم الضحكات = لأنه عارفٍ حالي وبطلان ادعاءآتي
وقلبي يرتعد منّه بدت تتزايد الخفقات = شعرت الليل جا يمي شعرت بزود خفقاتي
لفى عنوان للغربة لفى جملة من الأنّات = تركته جاثم بركنه يجاذبني حكاياتي
يقول اتذكر الماضي يقول انزف من الونّات = عشان الصبح يتنفس ويطرد ليلك العاتي
كفى تضحك على نفسك كفى تتصنع البسمات = أنا اللي يعرفك وحدي من الماضي إلى الآتي
نسيت اللي مضى معنا نسيت الآآآآه والدمعات ؟ = نسيت الحزن بحضوري تبي أنكر شهاداتي ؟
أناظر له وفي عيني بقايا الهم والويلات = ويدّي تلمس عيوني تداري بعض دمعاتي
طلبتك بس لا تكمل ترى بعض الألم ما مات = تراي ادفع ثمن صدقي وكتم السر وسكاتي
أنا تعذبت في الدنيا لأني صادق النيات = لأني ما عرفت اكذب وقلت الصدق منجاتي
لأني صادق ومخلص تلقى ظهري الطعنات = ياليت اللي نوى يطعن وقف قدام نظراتي
ولكن ذا جزى الصادق حياته كلها دقات = إذا ما فاق من دقة عليه الثانية تاتي[/poem]




وسلامتكم


علي بن محمد الشمراني

جدة