دار أبو سفـيان !

نقاش ساحاتي أدبي بحــــت

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الصايم اللي عليه التوت متـدنـّي = ما أفطر على التوت كله حشمة التمره
وإليا قدع وأرتوى من هيلي وبنـّي = فأمـّا تجي عَـمْرةً والاّ تجي دَمـْره
قايم وقاعد ومستعجـل ومتـأنـّي = أقفى على مسرّجه وأقبلّ على ضمره
هذا عقيد الهجوس اللي على ظنـّي = بالخص لا خالطت بيض الزمن سمره
أما أنت يا ليل هـوّد ماأنت مزعلنــّي = لاني بسـامر ولا لي شف في السمره
لو ما على السرّ بو وسميـّه أمنـّي = ما سقت حمران وآنا في ظهر حمره !
رسالة الدعرمي يعني ويعنــنـّي = كنـّه يغنـّي : يقول اللي يبي القمره
حط الرمادي على الكحلي على البنـّي = بس الشفق ماتميـّز غير بالحمره
ليت الزمن لقنــّه درسً ملقنــّي = ما كان ضيّع شروط الحج والعمره
ولا عرض سلعة الشيعي على السنـّي = لاشاف له تاجرً غلطان في النمره
الذيب وسط القليب يفارس الجنـّي = والقوم في دار أبو سفيان مـئتمره
هذا شنبي إن بن هاني وإبن هـنـّي = في بيت خمـّارةً تسقيهم الخمـره
كلمه ومدلول ماهي غن وآغنـّي = والثــَمْر دايم يقول الكلمة الثــَمره
يعني ترى ماأنت باللي جبت متهنـّي = إيدك على التوت لكن واطيً جمره
أعرفك يالدعرمي جنـّي ومتحنـّي = في كل ريعً ولك نقزه ولك طمره
وأنت تعرف راس مالي وتعرف منــّي = وتعرف الأسـواق مندمره ومنعمره
ديناري ودرهمي وريالي وينـّي = تاكل هواميركم لو هم مية زمـره
ماأنت بغريرً بشيً تافهً مِـنـّي = ولا أنت طالب ومطلوبً ولي أمره
عاقل ومن كل غرسة طيب متجـنـّي = وأنا غمـرتك بطيبي فأذكر الغمره
ها حاول تسوقها يالدعرمي عنـّي = هذي السحابه على أية حال منهمره
ترى الجـذع بقي له يومين ويثنــّي = أن كان مالله خـذا قدامها عمره ![/poem]