| بيبان العوايق | .!

صباح / مساء الشعر

مبطي عنكم .. مير الغياب ما ينقوي لوه

/
\

تقبّلوها بما فيها ..


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا مرحبا وشلون حالك يالنحيب ؟=هاك السوالف هزلها معْ جدّها
قد قلت ظني بالحبايب ما يخيب=أكبر دليل اشواقهم .. ماصدّها
بعد المسافه .. والظروف .. وكل ريب=يقطع حبال الود .. لا ما يشدّها
واللي وصلني من ناسك يالحبيب=وكاد بإنّك ما إلتفت لردّها
عليله .. ونشدتها وين الطبيب ؟=علة خفوقي ترجي اللي يلدّها
أدري .. وتدري كل منّا له نصيب=في دنيته والنفس دايم ودّها
تبقى بجمب اللي لها عز الصحيب=بس الصحيح .. النفس ما هو بيدّها
إما تصير الذيب لا من شفت ذيب=وإلا على الله روحك وما حدّها
هذا انت جيت وشوقك لشوفي رهيب=لكن تحمّل شرهتي .. بآمدّها
[ كلمتْك ] وشهوله تقول إنك غريب ؟=وشلون ما جاك الشعور تبدّها ؟
رغم الغياب .. القلب لك موطن رحيب=وان ما عجبْك .. العين دارك عدّها
وأوعدْك أبقى بالوصل لين المشيب=مير انت بيبان العوايق سدّها
أقلّها .. تخيل إنك لي قريب=وإنا لدنيا البعد .. صرنا ندّها
وتذكر إنّا عن بعضنا ما نغيب=وطواري الفرقا طلبتك هدّها
الشوووق .. ما عمره رحم حال الصويب=[ والبنت ] .. ما تبدي بسهوله ودّها
والجرح .. ماني قايله جرحك عطيب=يا بخت منهي ضمّته .. من قدّها ؟
حبيبتك .. والليل .. والدمع السكيب=تكتب قصايدها .. وياطى خدّها
يقطعْك يا طاري المدامع والنحيب=ضيّع علومي هزلها معْ جدّها[/poem]


/
\

تمّ