عشـــرة ملاييـــن

[align=center]بسم الله الرحمن الرحيم



صباح الخير


صوتيــــــة


ارجو ان تنال اعجابكم [/align]



[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
يالله ترزقني بعشرة ملايين = والعافية والستر فيني تزودي
وتزيدها عشرة وعشرة وعشرين = دولار ماهي بالريال السعودي
وتقوّم الحظ المعثر من سنين = ياقف على حيله ويرقى سنودي
يلطم عناد الهم والغم والدين = تقفي جموع ركابها ما تعودي
حتى يجي للعمر ورد ورياحين = مثل الربيع اللي تغشى النفودي
وأقضي حياتي في رياض وبساتين = اقطف ثمار الشوق من كل عودي
العمر رمشة عين . يارمشة العين = بالله لحظة لين أوفّي عهودي
باقي شبابي ما تهنيت به زين = باقي على منح السعادة بنودي
اللي مضالي في جميع الميادين = مثل الليالي بين بيضٍ وسودي
الحظ مدري وين رايح على وين = حظي يبيله حظ قبله يقودي
راجيك ياخالق بن آدم من الطين = وأنت الكريم اللي بجودك تجودي[/poem]