وأد الغرام

دائما تتجدد المشاعر ..
ويكون لكل موقف ردة فعل ..
ونزرع الورد ومصيره .. ان يذبل !!
ولكن الحياة تستمر ..
نص جديد تمنياتي ان يلامس ذائقتكم ..

[poem=font="Traditional Arabic,7,darkred,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
إن كنت متحدي على يوم فرقاي=رح والذي قربك مني يوديك
لي نهجي الواضح بحبي ومبداي=وأنت يزيد بكل يومٍ تعاليك
لو كنت لي في لحظةٍ داي ودواي=بعز نفسي عنك وابعد وأخليك
دامك تبي فرقاي فأبشر بمقفاي=وأد الغرام ولامذلة تغليك
عند الكرامة يصبح القلب نساي=لو كان ميّت في وصالك ويبغيك
بنساك وأنسى والعذر دوم وياي=لأنك ذبحت الحب والدم بيديك
مقفي وكان خطاك تعزف على الناي=واكتم دموع العين والقلب يبكيك
جعلت منّك نور في ليل ظلماي=والحين حان الوقت من شان اطفيك
لو كان به قاضي ويسمع لشكواي=لشكيك عنده واشتكي من تماديك
خذها صريحه واعتبر جاك معناي=دام انتهيتك قول لي كيف اببديك !!؟[/poem]

مشعل الفدغوش