ظروف الزمان جرووح .. والطيبين إعــلاج

قصيده موجهه لأخي وصديقي الشاعر والاعلامي / نـــاصر المجمــاج التميــمي







[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دروب الجمايل والمراجل تعب وحــراج = ولا ينتهجها الا صميــدع ومقدامي

كبير البخت . من حطها مسلك ومنهــاج = ويلزمه فيما ينطقه رهن والــزامي

ظروف الزمــان اجروح . والطيبين إعــلاج = علاج لجرح النفس لو جرحها دامي

وانا لاكواني حر وقتي وانا محتااج = نخيت المطاليق . وتحديت الايامي

وانا لانخيت انخى مثل نااصر المجماج = حزام قطيب .. ومارد يروي الضامي

تعل الظوامي ..يوم تارد على هداج = ويقطع ظماها بعد ماكانت إهيــامي

اله فزعةن تنبان مثل السَفَـَر لانباج = يغط الجبال وينقشع منه الاِظلامــي

لو انه يِـِلبس كل عاشق جميل ..تــاج = تـِلبس له التيجان ..وأترز الاعلامي

كريم . ورعي فزعه . وزحل . وطليق إحجاج= وشاعر . وراعي عِـرف . والسان. وإعلامي

كبار المدايـــح فيه لاقالها الهــــراج = يجاوب عليها السامع .. وسبعة انــعــامــي

سواة المحيط اللي تلاطم به الامواج = وضلع ٍ يحـّـول دونه الطيــر لو حامي

صديق وسند لاضاق بي كل فج وفاج = وخوي السعد لاكشر الوقت قدامــي

تميمي ولابينه وبين الجميل إسيــاج = وتميم مفاخــرها قبل نور الاســـلامي

قبل ينزل الوحي .وقبل ليلة المعــراج = تُــفهرس كُـتــب تاريخها اوبواب واقسامي

مثل مانحنى بغداد وانصاع للحجاج = تشك لتميــم .. وتنحني روس الاقلامـــي

لاصفت بيارقها وجات الجيــوش افواج = تدوس الوغى .. وتعقب اموات وإيتامـي

وانا مامدحت الا بعد عِــرف واستنتاج= من اللي قريته في تواريخ الاقوامـــي[/poem]