(*(( منتديات النداوي الأدبية ))*)

مجاراه بسيطه لقصيدة سداح على هذا الرابط علها ترتقي الى ذوائقكم

http://www.mergab.com/montada/showthread.php?t=44164


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

فتحت الباب لعبور الشعور وموكب الافكار = لعل الشعر يطفي جمرةٍ في وسط وجداني
عليها فاحت دلال القصيد وغنوا السمار = طواريقٍ تميل الها عذوق النخل من داني
وانا شاعر لسانه مايطاوع قلبه الثرثار = ماغير ان حركه سلك الحرير افصح على شاني
غرفت امن البَحَر درّ ونحت امن الحجار حجار = وحفظت العلم من ديوان ابو الطيب وابن هاني
واحفظ الطيب للطيّب ولو ان القلوب اسرار = وجوب تشير سبابة يدي للقرم بالعاني
ياسداح العتيبي ياالوفي ياالشاعر البيطار = يافخرٍ للقبيله كلها يانسل جداني
ياكساب الجمايل بالذهب والين والدولار = يابنك الشعر وعلوم الرجال ومزبن الجاني
تطيح نجوم وتبيّن نجوم ان طفّت الانوار = مثل ما بان ريشك فالسما ياطير حوراني
لأنك حُرّ ياالحُرّ المدرب والزمن صقار = يهدك للجزيل امن الشوارد وانت شيهاني
مخاليبك على شيٍ نبيه بدون مانختار = تقلّطنا على سمن وسمين وموقفك آني
مثل موقفك هذا في حقوق الجار عند الجار = واقدم بالنيابه لك بعض شكري وعرفاني
وابو ثامر من اسمه له نصيب وكل ابوه ثمار = كأول رايد يزور الفضا ويرزّ الاوزاني
نداوي ثبت اركان النداوي والنداوي سار = على نهج التميز والتميز ميزة الباني
جمع فيه الرجال اهل الوفا من غالب الاقطار = من اطراف الخليج وكل قحطاني وعدناني
مغنٍ للأدب من تسعة اعوامٍ مضت مابار = تراث جدود وعدود وجهودٍ تحيي الفاني
سمعنا بالخبر مثلك ولا ندري عن الاقدار = ومرينا وشفنا جثة الميت بالاكفاني
ياكبر الفاجعه والصبر طيب والحياه اعمار = لو ان المنتدى خارج حدود العمر الانساني
لذلك فالأمل لازال حي بمنتهى الاصرار = وانا علقت من باب العتب لاهل الخطا عاني
طلبتك ياالسحيمي دق خشم احساسك المكار = ورد النور لعيون الضرير لشوف الاوطاني
اقوله وانت تعرف قيمة البحرين للبحار = ولا كل البحور بجوفها لولو ومرجاني
واقوله والنداوي منتدايه يوم جيت الكار = كتبت اول شعورٍ فيه خلا الناس تقراني
وامره كل فترة زايرٍ من جملة الخطار = وانا المرقاب آت دُت كوم فيه اسمي وعنواني[/poem]