الابتسامة ماتفارق محياه = ماكنها تعرف بشوش(ن) بداله

الإخوة أعضاء منتديات المرقاب يسعدني التواصل معكم بآخر قصائدي وهي قصيدة بمناسبة شفاء الأمير سلطان بن عبدالعزيز ونشرت على صفحة كاملة بجريدة الرياض يوم الجمعة 16 / 3 / 1430 هـ

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صيد القريحة دوب مازان مرماه = أبا أترك إهزاله وأبا أقنص إجزاله
وأهديه للي ماتعدد مزاياه = سلطان أبو خالد زبون الشكاله
اللي لو أعدد وأفند سجاياه = إمن البحر وش هي تجيب البياله
مهما كتبته فأروع الشعر وأغلاه = مانيب موفي خصلة(ن) من خصاله
سلطان في هذا الزمن ماله أشباه = في عقله وثقله تفرد لحاله
ولي عهد المملكة صاحب الجاه = اللي شغلنا وقتنا بالدعاله
الحمد للي زال باسه وشافاه = والفضل له والشكر له والثنا له
الشعب من يوم الملك زف بشراه = كل(ن) رمى الغترة وطوح عقاله
والدار عمت فرحته ساير أرجاه = غرب الوطن . . شرقه . . جنوبه . . شماله
مافيه شبر إلا تغنى من أقصاه = تغنت إحزومه وغنت جباله
سلطان بقلوب أكثر الناس تلقاه = ومن حبه الله حب خلقه يناله
الابتسامة ماتفارق محياه = ماكنها تعرف بشوش(ن) بداله
ياالله يارب المخاليق ياالله = أمهل له بعمره وطول لياله
في الجود مايوجد مثيله وحلياه = كم من فقير أصبح غني من حلاله
يعطي ويكره في عطاه المباهاة = مامقصده يأخذ في الإعلام هاله
عطا يمينه مادرت عنه يسراه = يعطي لوجه الله عظيم الجلاله
وإن كان هي تندى من الجود يمناه = أبوه أبو تركي وأبو زيد خاله
ياكثر مايعتق من إرقاب كثراه = يعتقهن بوجهه وجاهه وماله
الله عن أفعاله يثيبه ويجزاه = وعساه مع ربه متينة حباله
وآخر كلام(ن) روعته في ثناياه = ياسيدي بحر الكرم والجزاله
إقبل مشاعر شاعر(ن) صاغ معناه = ماخالف إبداعه طريق الأصاله[/poem]

الشاعر / راجح بن نايف المغيري