لــعــب الــنــشـيـط

:

الإهـداء :

لـكل شاعر وطن يرغب أن يحل محل أبن هذال ويتجاوز الخطوط الحمراء و 35 سنه من العطاء 0

-------------

[poem=font="Arial,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر جاين له مئة حذافي = وعن المراح اللي يبا حادينه

اذا خلص من زاف جاء له زافي = ولا عاد تنشد وين هم مغدينه

راحو مثل لبنان فن ٌ هـافي = جيلٌ يحسب ان الشعر تلبينه

ما يدري أن الشعر معنى ضافي = و لبسه من المعنى الجزيل يزينه

يلعب به اللي في نعاسه غافي = لا عارف ٌ وزنه ولا تلحينه

لعب النشيط الطيب المتعافي = اللي يلاعب فالخلا رجلينه

اللي شرب طاسة حليب ٌ صافي = وهوجس وقام يحك في صدغينه

يضرب روابع كلها ياكافي = محد من الفسقه بمالي عينه

خصا ً لا هفه بارد الهفهافي = ولحق كراعينه على يدينه

هوبل بشعرا ً قاله العرافي = هيجن وفك من الطرب لحيينه

ما كنه إلا معمر القـذافي = الله خلق من كل عشرة طينه

لو العقول الها حبل وكتافي = يمدي كتفنا العالم المسكينه

لكن جنون العالم أصبح طافي = ما عاد يبغى له شهود اثنينه

ساد الرويبض عالي الأشرافي = واللي بقى تحت الغطاء كانينه

وئد الكفاءة واجب الاظرافي = ناس ٌ ملابسها على التـقنينه

قـل للغبي ممتاز شغلك وافي = والحبحبه حمراء على السكينه

واذا بغيت تعيش دون أجحافي = دربي براسك مثل راس القينه

وثلث الثلاثة قـل ثلاث أضعافي = وثلث العدد في مكتبك ناسينه

حزمة ورق ما عـدها الصـرافي = تشبه لسوق أسهم عربنا الزينه

هذا زمان أبو حنيك الـدافي = أبو حنيك وتركتــه حنكينه

رجع عرب مئة سنه لخلافي = وتكريمنا بالمنسف أمـغذينه

إنجاز وأنشد دولة الأشرافي = وتراء يقين العلم عند جهينه

ها قوم يا تاريخنا الــوقافـي = دلو ٌ تجي مـويه ودلوٌ طينه

خليك منوة عبد جدي شـافي = يبغى الليالي كلها دندينه

ومنازل الأشراف فالاطرافي = الزين كله فالطرف لا قيـــنــه

والغصن أبو عودٌ خضر مهيافي = يميل بالخوخة وطلع التـيـنـه

خلك على المغزى البعيد أسنافي = ما هو سناف السوق يا شارينه

أسنافي الشعار سم ٌ خـافي = أغرق دبي أبـ دورة الخمسينه

وشاميه اتصلت على تـولافي = جاب الغلط سلكه على سلكينه

ويا شقة الفوضة مساك إجحافي = ستة على الأثـنين وش بعدينه

قولوا هذا شاعر وطن زحافي = وإذا بغى يزحف على جنــبينـه

سجل تاريخه كما الكشافي = من عـزفه الأول إلى ثــرمينــه

الواقع المؤسف مع الـتوسافي = زين الخلاخل والبلاء فبطينه [/poem]