فرق الاناث عن الذكور ..

السلاام عليــــــكم ورحمة الله وبركاته ..


لجل عين تكررم مديــنه .. ياتركي محمد


[poem=font="Simplified Arabic,6,black,normal,normal" bkcolor="transparent" bkimage="" border="none,4,darkred" type=0 line=0 align=center use=ex num="0,black"]
لالا تعذرّ وامعذور=أبعتبر مافات مات
قدّام لادمّك يفور=فجوج ربي واسعات
ماجاك من يمّي قصور= ولاشفت منّك تضحيات
من اربع أو خمسة شهور=وآرائنا .. متخالفات
أحيان .. أمرّرها مرور=بلا عذر وأمقدمات
من ضيق .. والا من سرور= جميعها متساويات
ماعاد في قلبي شعور=ولاعاد عندي أمنيات
لو أعلم اللي بالصدور= ماواجهتنا مشكلات
دارت عليك اللي تدور=بالناس .. في كل الجهات
لعلـّك أن جارت تجور=فاللي بقى من .. مقبلات
لايدهشك جمع الحضور= الفرق فالمستويات
الاوله للي .. تثور=والتاليه .. للباقيات
تميّز الرجل الجسور=قوّة عزوم .. وطيب ذات
وفرق الاناث عن الذكور= ليس فقط .. بمسميّات
حسب أوليات الامور=شرعيه .. وطبع .. وصفات
شروط واخطوط وسطور=وامربعات .. امثلثات
مانيب خايب وامعثور=ولايديني قاصرات
أسمي مع أطوال الشبور=مابين الاسما الاولات
أحوم حومات الصقور=على الجبال الراسيات
ماجيت أصف مع النمور=للهزٍل والمترديات
وآخذ من أهل الشور .. شور=وأعطي حقوق وواجبات
مسوّر ٍِ قلبي بسور=وحطيّت قبله .. لافتات
ممنوع قربه وامحظور=ياآنسات وسيدات
ماهوب والله من غرور=الا من أشيا مقنعات
مدام ماللحب دور=ليه النفوس معنيّات
تجري جري دنيا الدبور= تحت مسمّى .. مغريات
تطيّرك مع الطيور=وتدحدرك في مجريات
تمسي تحت بند الاجور=وتصبح بعال المرتبات
من يمتلك كرت العبور=اللي يؤدي للنجاة
قدامنا بعث ونشور=يالله نطلبك الثبات[/poem]



وسلامتكم ......