تـــــجــــــاريب وادروس

السلام عليكم ورحمة الله وبركاته

مشاركه لتواصل واتمنى ان تنال اعجابكم



[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
من ضيقة الخاطر ومن صدمة الروس = حملت نفسي فوق مالا تطيقه
ومن الدهر خذنا تجاريب ودروس = نكشف حقيقه وانتعلم حقيقه
كني معلم نفس في عالم انفوس = من واقع الخبره فهمت الخليقه
حطيت لصحبه مقاييس واللبوس = وكفخت مع شقر الحرار الطليقه
ودست الرخوم اللي تبذ الخفا دوس = اللي تسبب للمعافى شقيقه
اللي تصب ضروس واتخلع ضروس = وبين القرايب يشعلون الحريقه
شلة ردا يبرالها كل منحوس = مثل السراب اللي يتيه بريقه
جاسوس واللي يقتنع فيه جاسوس = دايم ورا الركبان مثل العليقه
هذا ترى واقع تجارب وملموس = مصدر ثقه واعطي عليها وثيقه
في دار ابو متعب وفي دار قابوس = وفي كل دوله للنمايم حديقه
لطيب قاموس ٍ وللخبث قاموس = وكل ٍ على طبعه يشجع فريقه
وعلم الحيا والطيب يتعب له اعسوس = واتجيب علمه وايتوضح طريقه
مثل الذهب مايملكه كل متعوس = لو شوق المحتاج لمعة شريقه
الدر من طيبه على الناس محروس = ومجناه من غب البحور العميقه
والطيب مايشرى من السوق بفلوس = ولايدركه راع العلوم الدقيقه
والمرجله ماهيب كشتات وتيوس = غريزة ٍ تبقى لهلها رفيقه
الله جعلها للعرب حس محسوس = نخوة صديق ٍ ينتخي في صديقه
عبرت عن غيض ٍ ورا الصدر محبوس = والا ترى ماني وكيل الخليقه[/poem]



وسلامتكم


اخوكم 0 بطي بن ناصر الاكلبي