(..( علاقاتي )..)

تغيـرت نظرتـي بأغـلـب علاقـاتـي
اصبحت احـط الثقـه بآخـر محطاتـي
من كثر مااسمع واشوف احـداث بالدنيـا
احيانا ً اخاف مـن ذاتـي علـى ذاتـي
احرص ولاكل من يحرص يبـي يسلـم
من ألسـن النـاس واشبـاع الملذاتـي
نموذجيـة حيـاتـي تعـجـب العـالـم
لـو انهـا عكـس رغباتـي وعاداتـي
دوامي .. وبيتي .. ودوامـي ..وبيتـي
هـذا نظامـي ولـو ماهـو بمشهاتـي
الفوضويـه بطبعـي لـكـن اكبتـهـا
والمشكلـه لاتـزال تعـيـش بابيـاتـي
ايقنت بأني اذا ابغى الصـوره الحسنـه
لابـد مااعيـش علـى مـوت نزواتـي
احاول اعوّد اخلاقـي علـى الاصلـح
وابحث عن المفترض واسـج خطواتـي
انسـان ولااملـك الا قلبـي الابـيـض
ولكاعتـي.. ماتنافـي حسـن نيـاتـي
تعالـي وكـل زلـه مـنـك مقبـولـه
اذا حضـورك يفـك اسـر ابتساماتـي
تراي ويّـاك مانـي مثـل مـع غيـرك
لان محـد ٍ سـواك يـفـك شفـراتـي
اخبـر نفسـي ثقيـل وكـل ماشفـتـك
اصيـر مثـل الطفـل تكثـر حركاتـي
(معك) اشعر ان القلوب نظاف مازالـت
ومعك اشعر اني بديت اطلع من سكاتـي
(وفيك) اكتب اعذب بيوت الشعر واشطبها
استصغر افكـاري وتضعـف عباراتـي
(ومنك) اتعلم دروس العشـق وادرسهـا
وقلبك هـو اللـي يناقشنـي رسالاتـي
مدري وش اقول لك والا وش اترك لـك
اهواك واشتاق لـك فـي كـل حالاتـي
ومع ذلك ان جيت ابذكر خنت كـم مـره
من كثرها يمكـن اجهـل كـم خياناتـي
خنتـك وحتـى ضمـيـري مايأنبـنـي
ابطيتـي بجيتـك واحتلـت حيـلاتـي
لكنهـا خيـانـة ٍ مـاهـي بمذمـومـه
مع طيفـك اخونـك بموطـن خيالاتـي
امزح معك وانتي احد يحبـك يخونـك؟
اصلاً كمـال الجمـال انتـي بنظراتـي



وجب النسخ الكامل

لان الصمت في حرم الجمال جمال