حـرب الإبـاده !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالمسـرّي وأنت صاحب سعاده = خاتمـك فضـّي وقلبك حـديدي
أعطني علمك ترى العلم عاده = بعد تشريفك لحفل اليسيدي
أدري إن وقفتك شعب وقياده = ما يوصـّـفها حكاي ونشيدي
بس مثلك ودّي أسمع جداده = لأنها في الذوق ترفع رصيدي
وأنت ما تحتاج منـّـي شهاده = والشهاده منك لي يوم عيدي
علّـق الساحه برجل الجراده = لا هي حسينك ولا هي يزيدي !
أمّا أنا قفــّـلت باب العمـاده = وإنتظر ساعه وأقفــّل بريدي
أستوت ساده وسكّر زياده = يعني إيش الفايده من جديدي
الدروس اللي مهـي مستفاده = للنفيسي والفـرج والمفـيدي
والوطن ماأبغى يطيح إقتصاده = بس وشلون أدعمه من قصيدي
دام حمـّوده نتـايج حمـاده = عقل جنتلمان في راس ليـدي !
كل جمره تاليتها رمـاده = قاعده للقـاهري والصعـيدي
خلّت الشرشف يغطّي الوساده = وأنتج هنيـدي محمد هنيدي
وأنور السادات مامـور ساده = لكن السـلاّل سيـّد وزيدي
وخان زاده زلـّـته خان زاده = شاربه رملي ودقنه جليـدي
يالمسـرّي شبّ حرب الإباده = دون رجمً فيه حيدك وحيدي
ما بقى إلاّ مسلسلاتً معـاده = علّـم البشري وقل للعبيدي
الجمل ردّه وفـوقه شداده = طالت الآيام والصبر قيدي
والنحر وأم النحر والقلاده = ما هي بصيدك ولا هي بصيدي
أبرك الساعات ساعة عباده = أنقصي ياأم الكباير وزيـدي
والسفر متعه وصبر وجـلاده = شف خويّي فيه كنـّـه فقيدي
فوق مابه من برود وبـلاده = خوّته ماهي بخـوّة رشيدي
إمحق إمحق مجتهد وإجتهاده = حدّ شرياني على أقصى وريدي
قلت وقــّـف يا طبيب العيـاده = فالك الرقروق وألاّ الزبيدي !
الهدف حددت سينه وصـاده = والفضا فضاي والبيد بيـدي
والتحكـّـم من مقـرّ القيـاده = العيون تشوف والضغط بإيدي !![/poem]