الرنج روفر

[align=center]احياناً يجبرك الموقف لكتابة القصيدة في من يستحقها

قصيدة مهداه لصاحب السمو الأمير / المنصور بن سعود بن محمد

لمواقفه النبيلة





[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]


الرنج روفر مركب رجال الأعمال=من زود سعره ماتعيّن زبونه

يعجبْك لاوقّف وإلى قام يختال=الله من عيون المقرّد يصونه

اسود مراتب جلد دوفلكّ شيّال=يذهلك في مشيه وشكله ولونه

مترامي الأطراف في كل الأحوال=من بابه الخلفي إلى طابلونه

وشاشات خلفيه وسيدي ونقّال=نمونةٍ ياطيبها من نمونه

واكباس غازيّه ولا فيه تمثال=خوف الهوا لايشعله من اركونه

في الشرق الأوسط جنسه يزيد الإقبال=وتكثر جماهيره مثل برشلونه

واصنافه بقصر اليزابيث تجتال=يغري سلاطين العرب يشترونه

مدّة كريمٍ مدّته تشرح البال=يضحك بقبله قبل تضحك سنونه

حلحيل ومحنّك للأثقال شيّال=صاحبْه ماهو يشتكي من ديونه

رجال بأقواله والأفعال رجال=صميدعٍ تلقى العشا في عيونه

وأن قلت منهو جاوبك قافي وقال:=اللي بحزات الوفا تعَرفونه

صاحب سمو من آل من آل من آل=امثبّتٍ فوق الزعامه امتونه

منصور ولد سعود للجود مدهال=ياكود شعار العرب ياصفونه

ابوه شيخ الجود نقّاض فتّال=على الكرم والشعر تغري لحونه

سعود ابوه اللي للأهوال حلال=هداج تيما فالظما ياردونه

وخواله الجربا ليا ضكّك الجال=دخيلهم لامن لجا يبهجونه

ياهل النسب واهل الحسب واهل الأموال=المجد ماكل العرب ياصلونه

ألا كريمٍ مدّه الله سعة بال=ودايم تبلّ القاع رشّة امزونه

وختامها منصور يا طيّب الفال=راسك عسى الله يالسنافي يصونه [/poem]





ْ[/align]