تحرك من هجوسي مثل حد المرهفات اسيوف

السلام عليكم ورحمة الله وبركاته

ارجو ان تنال الاعجاب


تحرك من هجوسي مثل حد المرهفات اسيوف = ولا يهتز جاش الشاعر ألا عند ميقافه
ولا يافالح اثنيان بعد اليوم ويش تشوف = ما دام إنك عروف ومن سلايل قوم عرافه
أسآلك بالذي يعبد وحنا له عباد ضعوف = هل الحجاج تقبل حجته والبيت ما طافه ؟
صبي شهران شفنا من طرفكم فالزمان عجوف = ولا ينفع ذرا أهل البيت بعد انهدت أطرافه
بعد ما كنتوا أهل الخير وأهل الطيب والمعروف = حصدتوا مازرعتوا في ثواني والسبب تافه
ولا تحسب عدم ردي على فعلك يسمى خوف = ترا المومن إذا ما خاف ربه غير ما خافه
وترى الدنيا تلف ومن سكنها بالكفن ملفوف = ولا يبقى لها ألا ذكرها الطيب مع أسلافه
وأنا أكتمها ولو هي جمرتن تالع بوسط الجوف = أطفيها بقو الصبر وأرقا راس مشرافه
وأنا والله ما حرك ضميري هرجة الملقوف = أجنب عن طريقه لين يرضا من تلقـّـافه
ولو هو شخص غيرك قلت فرقا ما عليه حسوف = لكن اللي سواتك يزعل الرجال محرافه
تسيّر ثم تخيّر لا تحيّر والنصع موقوف = تركد ثم توكد لا تجي قدام وخلافه
هذا خطٍ كتبته جاك مني فالورق مزروف = عسى اللي فيه يوفي بالغرض من عند زرافه

</STRONG>